ផ្លូវជាតិលេខ៤ចំណុចក្រុងច្បារមនបិទ៧ម៉ោង អ្នកទៅកំពង់សោមត្រូវទៅតាមផ្លូវវាងនេះ

2019-11-28 01:39:25
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋបាលខេត្តកំពង់ស្ពីកាលពីល្ងាចមិញបានចេញសេចក្ដីជូនដំណឹងមួយដល់ប្រជាពលរដ្ឋ និងសារធារណជនដែលត្រូវធ្វើដំណើរតាមផ្លូវជាតិលេខ៤ទៅកំពង់សោមត្រូវវាងតាមផ្លូវចំនួនពីរដោយសារនៅថ្ងៃព្រហស្បតិ៍នេះនឹងមានការរៀបចំដំឡើងនិងបំពាក់ធ្នឹមស្ពានអាកាសថ្មើរជើង។

(រូបភាព៖ រដ្ឋបាលខេត្តកំពង់ស្ពឺ)

ក្នុងសេចក្ដីជូនដំណឹងបញ្ជាក់ថាចាប់ពីម៉ោង១០ព្រឹក ដល់ម៉ោង៥ល្ងាចថ្ងៃទី២៨ខែវិច្ឆិកា ឆ្នាំ២០១៩ នឹងមានការដំឡើងធ្នឹមស្ពានអាកាសថ្មើរជើងត្រង់ចំណុចចំណតរថយន្តផ្សារកំពង់ស្អឺលើផ្លូវជាតិលេខបួន ស្ថិតក្នុងសង្កាត់រការធំ ក្រុងច្បារមន។

សម្រាប់អ្នកធ្វើដំណើរតាមរថយន្តប្រភេទទេសចរណ៍ទៅមកភ្នំពេញ-ក្រុងព្រះសីហនុត្រូវបញ្ចៀសចរាចរណ៍តាមច្រកកណ្ដោលដុំ ផ្លូវលេខ១០៤ និង១០៥ និងតាមផ្លូវបំបែកចំណុចភ្លើងស្តុបមន្ទីរសាធារណការខេត្ត និងចំណុចភ្លើងស្តុបផ្លូវបំបែកច្បារមន។

ដោយឡែកថយន្តដឹកទំនិញធំៗទៅមកភ្នំពេញ-ក្រុងព្រះសីហនុប្រភពបញ្ជាក់ថាត្រូវបញ្ចៀសទៅតាមផ្លូវជាតិលេខ៣វិញ៕