មានតែក្លឹប ៣ ប៉ុណ្ណោះ ដែលមាន ០ពិន្ទុ ក្នុងកម្មវិធីបាល់ទាត់ UEFA

2019-11-28 13:21:08
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមពេលនេះដែរ នៅក្នុងកម្មវិធីបាល់ទាត់ UEFA ទាំងនៅ UEFA Champions League និង UEFA Europa League មានតែក្លឹប ៣ប៉ុណ្ណោះ ដែលមិនទាន់រកបានសូម្បីតែមួយពិន្ទុនៅក្នុងប្រកួតប្រចាំទ្វីប។ យ៉ាងណាមិញ ក្លឹបទាំង ៣ នោះ សុទ្ធតែលេងនៅក្នុងក្របខ័ណ្ឌទី ២ អឺរ៉ុប ខណៈនៅ UEFA Champions League ហោចណាស់ក៏មាន ១ពិន្ទុដែរ។

អ្នកចាំទី Loris Karius

ក្លឹបទាំង ៣នោះគឺ ក្លឹបន័រវែស Rosenborg ក្លឹបទួរគី Besiktas និងក្លឹបកាហ្សាក់ស្ថាន FC Astana។ ក្លឹបទាំង ៣នោះ សុទ្ធតែមានប្រវត្តិល្អៗ ដោយធ្លាប់បង្ហាញទម្រង់លេងបានល្អនៅពានក្នុងស្រុក និងក្រៅស្រុក។

ក្លឹប Rosenborg ជាជើងឯកលីគកំពូលន័រវែសកាលពីឆ្នាំ២០១៨។ ក្នុងរដូវកាល ២០១៩នេះដែរ ក្លឹបមួយនេះ កំពុងឈរលេខ ៤ ដោយមាន ៤៩ពិន្ទុ ខណៈក្លឹបកំពូលតារាងគឺ Molde មាន ៦៥ពិន្ទុ។

ចំណែកឯក្លឹប Besiktas វិញ កំពុងតែជាប់លេខ ៥ នៅតារាងលីគកំពូលទួរគី។ ក្លឹបនេះធ្លាប់មានបញ្ហាហិរញ្ញវត្ថុ កាលពីប៉ុន្មានឆ្នាំកន្លងទៅ។ រីឯ Astana វិញ ឈរកំពូលតារាងនៅលីគកាហ្សាក់ស្ថាន៕

អត្ថបទ៖ ហ៊ីម រស្មី