ក្រុមហ៊ុន ៣០ នឹងបើកទ្វារចំហឲ្យចូលទស្សនានៅដើមខែក្រោយនេះ
- 2019-11-29 06:20:38
- ចំនួនមតិ 0 | ចំនួនចែករំលែក 0
ក្រុមហ៊ុន ៣០ នឹងបើកទ្វារចំហឲ្យចូលទស្សនានៅដើមខែក្រោយនេះ
ចន្លោះមិនឃើញ
នៅថ្ងៃទី ៦ ខែធ្នូខាងមុខគឺជាថ្ងៃដែលព្រឹត្តិការណ៍ Startup Day ត្រូវប្រារព្ធឡើង ដែលនៅថ្ងៃនោះនឹងមានក្រុមហ៊ុន Startup, ក្រុមហ៊ុនបច្ចេកវិទ្យា និងជើងខ្លាំងខាងប្រព័ន្ធអេកូឡូស៊ីចំនួន ៣០ នៅភ្នំពេញ បើកទ្វារការិយាល័យរបស់ពួកគេដើម្បីទទួលនូវអ្នកចាប់អារម្មណ៍ខាងបច្ចេកវិទ្យា, សិស្ស, អ្នកបណ្ដាក់ទុន និងដៃគូជំនួញដ៏មានឥទ្ធិពលនៅកម្ពុជា ឲ្យចូលទស្សនាដំណើរការក្នុងការិយាល័យ។
អំឡុងពេលចូលទស្សនាអ្នកចូលរួមនឹងអាច ៖
បានឃើញសេវាកម្ម និងផលិតផលរបស់ពួកគេ
ដឹងអំពីរឿងរ៉ាវគួរចាប់អារម្មណ៍របស់ពួកគេ
អាចដើរទស្សនាកន្លែងធ្វើការ
ជួបជាមួយក្រុមការងាររបស់ពួកគេ
ចូលរួមក្នុងកិច្ចពិភាក្សា និងការធ្វើបទបង្ហាញរបស់ពួកគេ
ទទួលបានដំណឹងអំពីការបញ្ចុះតម្លៃលើសេវាកម្ម និងផលិតផលរបស់ពួកគេជាដើម
ក្រុមហ៊ុនដែលចូលរួមក្នុង Startup Day មានដូចជា Sabay Digital Group, Smart, The Desk, Phsar, ABA, nham24, RAINTREE, Muuve, Clik និង /slash ជាដើម ដោយព្រឹត្តិការណ៍នេះនឹងចាប់ផ្ដើមពីម៉ោង ៨ ព្រឹក ដល់ម៉ោង ៥ ល្ងាច។ នៅពេលល្ងាចវេលាម៉ោង ៦ ដល់ម៉ោង ១០ យប់ ក៏មាននូវកម្មវិធី After-Party ដ៏ធំមួយផងដែរ ដើម្បីអបអរសាទរនូវព្រឹត្តិការណ៍នេះ។
គួរដឹងថាការចូលរួមគឺមិនគិតថ្លៃនោះទេ ហើយអ្នកដែលចាប់អារម្មណ៍ខាងផ្នែកបច្ចេកវិទ្យាសុទ្ធតែអាចចូលរួមបាន។ ដើម្បីចូលរួមត្រូវធ្វើការចុះឈ្មោះជាមុន ដែលអ្នកអាចចូលទៅកាន់វិបសាយ https://www.eventbrite.com/៕