ពិព័រណ៍ខ្មែរ-ជប៉ុន ជាការផ្ដល់ឱកាសវិនិយោគឲ្យគ្នាទៅវិញទៅមក
- 2019-12-01 04:42:14
- ចំនួនមតិ 0 | ចំនួនចែករំលែក 0
ពិព័រណ៍ខ្មែរ-ជប៉ុន ជាការផ្ដល់ឱកាសវិនិយោគឲ្យគ្នាទៅវិញទៅមក
ចន្លោះមិនឃើញ
កម្ពុជា និងជប៉ុនសហការគ្នាបង្កើតកម្មវិធីពិព័រណ៍ផលិតផលរយៈពេល២ថ្ងៃ ចាប់ពីថ្ងៃទី៣០ ខែវិច្ឆិកា ដល់ថ្ងៃទី១ ខែធ្នូ ២០១៩ នៅផ្សាររាត្រីមាត់ទន្លេជាការស្វែងយល់ និងបើកឱកាសអ្នកវិយោគជប៉ុនមកប្រទេសកម្ពុជាបន្ថែម។
លោក រ៉េនឌី នាយកប្រតិបត្តិក្រុមហ៊ុន Entrepreneurs KH បានលើកឡើងថា នេះជាលើកដំបូងហើយនៃការរៀបចំពិព័រណ៍ខ្មែរ-ជប៉ុន ឬ Japan Festival Cambodia 2019 នេះឡើង ខណៈក្រុមហ៊ុនចូលរួមមានរហូតដល់១៤ផងដែរ។
នាយកប្រតិបត្តិរូបនេះបន្តថា ពិព័រណ៍នេះផ្ដោតសំខាន់លើការផ្លាស់ប្ដូរវប្បធម៌រវាងកម្ពុជា-ជប៉ុន ពិសេស គឺការបើកភ្លើងខៀវ និងទាក់ទាញវិនិយោគិនជប៉ុនមកធ្វើការវិនិយោគនៅកម្ពុជាបន្ថែម។ នេះក៏ដូចជាអំពាវនាវដល់វិនិយោគិនកម្ពុជា ក្នុងត្រៀមស្វាគមន៍វិនិយោគិនជប៉ុនផងដែរ ។
Daiki Homa នាយកក្រុមហ៊ុនជប៉ុនមួយបានឲ្យដឹងដែរថា តាមរយៈការរៀបចំពិព័រណ៍នេះមិនត្រឹមតែបង្ហាញពីការរឹតចំណងមិត្តភាពដ៏ជិតស្និតរវាងកម្ពុជា-ជប៉ុននោះទេ ថែមទាំងផ្សព្វផ្សាយអំពីឱកាសវិនិយោគនៅកម្ពុជា សម្រាប់វិនិយោគិនបរទេសទៀតផង ពិសេសវិនិយោគិនជប៉ុនតែម្ដង៕