ភ័យស្ទើរលោះព្រលឹង! រកឃើញគ្រាប់បែកសល់ពីសង្គ្រាមលោកលើកទី ២ បណ្ដាលឲ្យពលរដ្ឋជាង ១ម៉ឺននាក់ជម្លៀសខ្លួន
- 2019-12-02 02:50:01
- ចំនួនមតិ 0 | ចំនួនចែករំលែក 0
ភ័យស្ទើរលោះព្រលឹង! រកឃើញគ្រាប់បែកសល់ពីសង្គ្រាមលោកលើកទី ២ បណ្ដាលឲ្យពលរដ្ឋជាង ១ម៉ឺននាក់ជម្លៀសខ្លួន
ចន្លោះមិនឃើញ
ប្រជាពលរដ្ឋជាង ១ម៉ឺននាក់ ត្រូវបានជម្លៀសខ្លួនចេញពីកណ្ដាលក្រុង Turin ប្រទេសអ៊ីតាលីកាលពីថ្ងៃអាទិត្យកន្លងទៅ ខណៈពេលដែលក្រុមជំនាញធ្វើការដោះគ្រាប់បែកសល់ពីសម័យសង្គ្រាមលោកលើកទី ២។
យោងតាមអាជ្ញាធរក្នុងតំបន់ឲ្យដឹងថា នេះគឺជាគ្រាប់បែករបស់ចក្រភពអង់គ្លេសដែលបានទម្លាក់មកលើទីក្រុងកាលពីសង្គ្រាមលោកលើកទី ២ ដែលមានទម្ងន់ ៦៥គីឡូក្រាម។ មនុស្ស ៥០០០០ នាក់ទៀតដែលរស់នៅឆ្ងាយ ត្រូវបានគេប្រាប់ថាត្រូវចាកចេញពីផ្ទះរបស់ពួកគេជាមុន ឬសំងំក្នុងផ្ទះ អំឡុងពេលប្រតិបត្តិការដោះគ្រាប់បែក។ ចាហ្វាយក្រុង Turin លោក Chiara Appendino បង្ហើបថាអ្នកជំនាញត្រូវធ្វើការដោះគ្រាប់បែកឲ្យបានទាន់ពេលវេលា។
ចំណែកឯសារព័ត៌មានក្នុងតំបន់ឲ្យដឹងកាលពីរសៀលថ្ងៃអាទិត្យដែរថា ប្រតិបត្ដិការដោះគ្រាប់បែក ត្រូវបានបញ្ចប់លឿនជាងការរំពឹងទុកហើយប្រជាជននៅតំបន់ទាំងពីរត្រូវបានអនុញ្ញាតឱ្យត្រឡប់ទៅផ្ទះវិញ។ ជាមួយគ្នាដែរ លំហអាកាសនៃជើងហោះហើរពីលើទីក្រុង Turin ក៏ត្រូវបានបិទអំឡុងពេលប្រតិបត្តិការផងដែរ។
គួរឲ្យដឹងថា កាលពីដើមឆ្នាំនេះ ប្រជាជនអាល្លឺម៉ង់ ៤ ៥០០នាក់ ត្រូវបានជម្លៀសចេញពីតំបន់ក្រោយពេលដែលគ្រាប់បែកសល់ពីសង្គ្រាមលោកលើកទី ២ បានផ្ទុះឡើង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
