ទៅលេងAEON កុំភ្លេចចូលភ្លក្សអាហារជប៉ុន និងទិញទំនិញស្តង់ដាជប៉ុនក្នុងពិព័រណ៌នេះ
- 2019-12-02 08:14:50
- ចំនួនមតិ 0 | ចំនួនចែករំលែក 0
ទៅលេងAEON កុំភ្លេចចូលភ្លក្សអាហារជប៉ុន និងទិញទំនិញស្តង់ដាជប៉ុនក្នុងពិព័រណ៌នេះ
ចន្លោះមិនឃើញ
ផលិតផលប្រើប្រាស់ប្រចាំថ្ងៃ និងផលិតផលចំណីអាហារជប៉ុន និងស្តង់ដាគុណភាពជប៉ុនជាច្រើនប្រភេទកំពុងត្រូវបានដាក់តាំងបង្ហាញជូនដល់អតិថិជននៅផ្សារទំនើបអុីអនទាំងពីរទីតាំងក្នុងរាជធានីភ្នំពេញ។
ពិព័រណ៌ផលិតផលអាហារ និងសម្ភារៈប្រើប្រាស់ម៉ាកថបវាលូ (Topvalu)ធ្វើឡើងចាប់ពីថ្ងៃទី២៥ ខែវិច្ឆិកា ដល់ថ្ងៃទី៨ ខែធ្នូ ឆ្នាំ២០១៩នៅផ្សារទំនើបអុីអនភ្នំពេញ និងអុីអនសែនសុខស៊ីធីជាន់ផ្ទាល់ដី។ ការរៀបចំពិព័រណ៌នេះក្នុងគោលបំណងណែនាំយីហោឯកជនអុីអនម៉ាក“ Topvalu” ឲ្យអតិថិជនបានស្គាល់បន្ថែមទៀត ទូលំទូលាយនៅទូទាំងប្រទេស និងណែនាំអំពីគុណភាពនៃស្តង់ដា របស់ជប៉ុនជាមួយនឹងគុណភាពប្រកួតប្រជែងនិងតម្លៃសមរម្យ។ ក្រៅពីនេះគឺចង់ណែនាំនិងផ្តល់ឱកាសឲ្យប្រជាជនកម្ពុជាទទួលបាននូវបទពិសោធន៍រសជាតិនិងស្តង់ដានៃផលិតផល ម៉ាកTopvalu ដែលជាម៉ាកយីហោផ្តាច់មុខរបស់អុីអន ។
ផលិតផលថបវាលូ គឺជាយីហោផ្ដាច់មុខរបស់ក្រុមហ៊ុនអុីអនដែលបានមកដល់កម្ពុជាតាំងពីឆ្នាំ២០១៤ ដោយមានទំនិញជាច្រើនមុខដូចជានំចំណី និងនំបែបជប៉ុន អាហារជប៉ុន ស្រាជប៉ុន អាហារកក និងសម្ភារៈប្រើប្រាស់ប្រចាំថ្ងៃ និងទំនិញផ្សេងៗជាច្រើនមុខទៀតដែលមានគុណភាព និងទំនុកចិត្តខ្ពស់។ ក្នុងពិធីតាំងពិព័រណ៌នេះអតិថិជនអាចរីករាយភ្លក្សនូវរសជាតិអាហារបែបជប៉ុននេះដោយឥតគិតថ្លៃផងដែរ។
គិតមកដល់ពេលនេះចំនួនអតិថិជនបានកើនឡើងច្រើនឡើងៗដោយសារអតិថិជនជឿជាក់លើគុណភាពនៃផលិតផល TopValu ជាមួយនឹងស្តង់ដាជប៉ុននិងតម្លៃប្រកួតប្រជែង។
គួរបញ្ជាក់ថាម៉ាកយីហោTopvalu បានបង្កើតឡើងនៅឆ្នាំ១៩៩៤ ដោយអុីអនដែលជាក្រុមហ៊ុនលក់រាយដ៏ធំមកពីប្រទេសជប៉ុន។ ផលិតផលTopvalu ត្រូវបានផលិតឡើងយ៉ាងម៉ត់ចត់តាមស្តង់ដាគុណភាពរបស់អុីអនដើម្បីបំពេញតម្រូវការប្រចាំថ្ងៃរបស់អតិថិជនដោយផ្ដោតលើគុណភាព សុវត្ថិភាព និងតម្លៃសមរម្យ។ គ្រប់ផលិតផលរបស់Topvalu អតិថិជនអាចរកជាវបាននៅផ្សារទំនើបអុីអន ផ្សារទំនើបAEON Maxvalu Express និងអតិថិជនក៏អាចបញ្ជាទិញតាម អនឡាញតាមរយៈ ៖ aeononlineshopping.com