តារាម៉ូដែល ចាន់ ភារម្យ សាក់យ័ន្តមនុស្សស្រី នៅចង្អូរសុដន់ទាំងគូ
- 2019-12-05 04:15:00
- ចំនួនមតិ 0 | ចំនួនចែករំលែក 0
តារាម៉ូដែល ចាន់ ភារម្យ សាក់យ័ន្តមនុស្សស្រី នៅចង្អូរសុដន់ទាំងគូ
ចន្លោះមិនឃើញ
តារាម៉ូដែលខ្ពស់ស្រឡះ ចាន់ ភារម្យ ថ្មីៗនេះ បានធ្វើឲ្យមានការចាប់អារម្មណ៍ពីអ្នកគាំទ្ររបស់នាង បន្ទាប់ពីនាងបានបញ្ចេញរូបភាពជាច្រើនបង្ហាញពីស្នាមសាក់អាថ៌កំបាំងនៅត្រង់ចង្អូរចន្លោះសុដន់រាងក្បំទាំងគូរបស់នាង។
ស្នាមសាក់នោះ នៅតែជាអាថ៌កំបាំង ដោយសូម្បីតែសាមីខ្លួន ក៏មិនបានដឹងច្បាស់ពីវាដែរ។ ភារម្យ បានប្រាប់ថា សាក់ពិសេសនេះ នាងទើបបានចាក់កាលពីថ្មីៗនេះដែរទេ គឺប្រមាណ២-៣ខែមុន ដោយធ្វើឡើងដោយអ្នកជំនាញក្នុងស្រុកតែម្ដង។ នាងថា មិនច្បាស់ថាជាអ្វីនោះទេ ប៉ុន្តែគ្រាន់តែដឹងថា ជាស្នាមសាក់របស់មនុស្សស្រី ពោលគឺអក្សរដែលចាក់លើសាច់របស់នាង គឺជាអក្សរតំណាងឲ្យមនុស្សស្រី។
“មិនដឹងជាអក្សរអីទេ គ្រាន់តែដឹងថា ជាយ័ន្តរបស់មនុស្សស្រី ព្រោះគេប្រាប់បានតែប៉ុណ្ណឹង...តែវាក៏មិនជួយអីដែរ គ្រាន់តែចាក់ឲ្យមើលទៅឃើញស្អាត និងប្លែក ហើយសិចស៊ី(សើច!)”។ ភារម្យ ថ្លែង។ តារាស្រី បញ្ជាក់ថា នេះគឺជាស្នាមសាក់ដំបូង ដែលនាងបានចាក់នៅលើរៀងកាយរបស់នាង ហើយតទៅមុខ នាងទំនងជាមិនមានគម្រោងចាក់នៅកន្លែងណាទៀតនោះទេ។
បញ្ហាគឺថា ខ្លាចឈឺ ព្រោះត្រឹមការសាក់ទី១នេះ នាងឈឺខ្លាំងស្ទើរទ្រាំមិនបានទៅហើយ។“ប្រហែលអត់ទេបងអើយ រៀងហើយ ឈឺខ្លាំងណាស់!”។
កញ្ញា ចាន់ ភារម្យ មានវ័យ ២៦ឆ្នាំ ជាតារាម៉ូដែលស្រីពេញនិយមមួយរូប ក្នុងនោះនាងបានចូលប្រឡូកសិល្បៈកាលពីឆ្នាំ ២០១៣ តាមរយៈការប្រឡងម៉ូដែលមួយនៅប៉ុស្តិ៍លេខ៣។ ក្នុងអាជីពជាតារាម៉ូដែល ៦ឆ្នាំមកនេះ នាងត្រូវបានទាក់ទាញជាមួយរូបរាងខ្ពស់ស្រឡះ(១,៧១ម៉ែត្រ) ផ្សំនឹងដើមទ្រូងមូលក្បំល្អ។ ដូច្នេះហើយ តម្រូវការម៉ូដែលផ្សព្វផ្សាយពីផលិតផលនានា ឬរថយន្តថ្មីៗ ទំនើបៗជាដើម រមែងមិនផុតពីដៃនាង។
យ៉ាងណាក្រៅពីអាជីពស្នូលជាតារាម៉ូដែល ភារម្យ ក៏ជាតារាសម្ដែងមួយរូបដែរ ដោយធ្លាប់សម្ដែងក្នុងរឿងមួយចំនួនដូចជា "វិញ្ញាណចាំផ្ទះសំណាក់" និងរឿង "Single Mom” ជាដើម។ នាងថាថ្មីៗនេះ ក៏មានការទាក់ទងសម្រាប់ភាពយន្តដែរ ប៉ុន្តែអ្វីៗនៅក្នុងដំណាក់កាលចរចានៅឡើយ៕