លែងមានការបែងចែក Galaxy S11 អាចនឹងប្រើឈីប SD865 ទាំងអស់
- 2019-12-12 01:43:35
- ចំនួនមតិ 0 | ចំនួនចែករំលែក 0
លែងមានការបែងចែក Galaxy S11 អាចនឹងប្រើឈីប SD865 ទាំងអស់
ចន្លោះមិនឃើញ
ជារៀងរាល់ឆ្នាំក្រុមហ៊ុន Samsung បានបែងចែកការផ្គត់ផ្គង់បន្ទះឈីបជា ២ ប្រភេទ ដោយមានប្រភេទ Snapdragon របស់ក្រុមហ៊ុន Qualcomm សម្រាប់ស្មាតហ្វូន Galaxy នៅទីផ្សារអាមេរិក និង Exynos របស់ Samsung នៅទីផ្សារដទៃ (អឺរ៉ុបនិងអាស៊ី)។
វិលមកដល់ឆ្នាំ ២០២០ គន្លងមួយនេះទំនងនឹងត្រូវផ្លាស់ប្តូរ ហើយបង្វែរទៅប្រើប្រាស់ឈីប Snapdragon 865 របស់ Qualcomm ទាំងអស់វិញ ដោយសារហេតុផលទាក់ទិននឹងស្តង់ដារអភិវឌ្ឍផ្នែកកាមេរ៉ាជាចម្បង។
តាមប្រភព Ice Universe បានឲ្យដឹងថា Galaxy S11 លើទីផ្សារសកល សង្ឃឹមអាចនឹងបំពាក់ឈីប SD865 ទាំងអស់ ព្រោះដោយសារឈីបនេះអាចដំណើរការប្រព័ន្ធផលិតផលរូបភាព ISP (Image Processing System) បានល្អប្រសើរជាងបន្ទះឈីប Exynos 990។
នេះឆ្លើយតបទៅនឹងចចាមអារ៉ាមដែលថា Galaxy S សេរ៊ីឆ្នាំ ២០២០ នឹងមាន Sensor កាមេរ៉ាធំឡើងដល់ទំហំ 108MP បែបនេះវាសក្តិសមជាមួយការប្រើប្រាស់ឈីបរបស់ Qualcomm ជាជាងឈីបប្រចាំត្រកូល Exynos។ យ៉ាងណាមិញចម្លើយច្បាស់ការយើងនឹងបានឃើញនៅអំឡុងចុងខែកុម្ភៈខាងមុខទាំងអស់គ្នា៕
អានអត្ថបទ: