Samsung អះអាងថាលក់ទូរសព្ទតម្លៃ ២ ពាន់ដុល្លារ បាន ១លានគ្រឿង
- 2019-12-13 03:20:41
- ចំនួនមតិ 0 | ចំនួនចែករំលែក 0
Samsung អះអាងថាលក់ទូរសព្ទតម្លៃ ២ ពាន់ដុល្លារ បាន ១លានគ្រឿង
ចន្លោះមិនឃើញ
ក្នុងកម្មវិធី Disrupt របស់ Tech Crunch នៅទីក្រុងប៊ែរឡាំង លោក Young Sohn ដែលជាប្រធាន Samsung Electronic បានធ្វើការអះអាងថាក្រុមហ៊ុនអាចលក់ស្មាតហ្វូន Galaxy Fold បានចំនួន ១ លានគ្រឿងហើយ។
១ លានគ្រឿងនេះមិនច្រើននោះទេ បើប្រៀបធៀបនឹងចំនួនលក់ប្រចាំត្រីមាសរបស់ Samsung និង Apple ប៉ុន្តែ Galaxy Fold ជាស្មាតហ្វូនតម្លៃថ្លៃបំផុតមួយ ដែលតម្លៃជាមធ្យមរបស់វាមានដល់ ២ ពាន់ដុល្លារឯណោះ។
Galaxy Fold បានបង្ហាញមុខជាផ្លូវការក្នុងកម្មវិធី MWC 2019 នាខែមករា ដែលដើមឡើយក្រុមហ៊ុនគ្រោងបញ្ចេញលក់នៅខែមេសា។ ប៉ុន្តែដោយសារបញ្ហា ក្រុមហ៊ុនត្រូវពន្យារពេលចេញលក់ ដែលចុងក្រោយគឺចេញលក់នៅចុងខែកញ្ញា។ ការចុះផ្សាយកន្លងមកបានឲ្យដឹងថា Samsung គ្រោងនឹងលក់ឧបករណ៍អេឡិចត្រូនិកអាចបត់បានឲ្យបាន ៦ លានគ្រឿង នៅក្នុងឆ្នាំ ២០២០៕
ចុចអាន ៖ Samsung បញ្ចេញស្មាតហ្វូនថ្មី មកជំនួសតំណែងស្មាតហ្វូនលក់ដាច់ខ្លាំងរបស់ខ្លួន