ពានបាល់ទាត់ពាក់កណ្ដាលអាជីពទាត់តែ៤សប្ដាហ៍ ម្ចាស់ពានលេខ១ នឹងបានថវិកា២០លានរៀល
- 2019-12-23 08:52:48
- ចំនួនមតិ 0 | ចំនួនចែករំលែក 0
ពានបាល់ទាត់ពាក់កណ្ដាលអាជីពទាត់តែ៤សប្ដាហ៍ ម្ចាស់ពានលេខ១ នឹងបានថវិកា២០លានរៀល
ចន្លោះមិនឃើញ
ក្រុមបាល់ទាត់ចំនួន ៣២ នឹងត្រូវប្រជែងគ្នារយៈពេលយូរបំផុតជាង ៤សប្ដាហ៍ប៉ុណ្ណោះ នឹងក្លាយជាម្ចាស់ពានរង្វាន់ពាក់កណ្ដាលអាជីព Aquarius Cup 2020 ដែលមានប្រាក់រង្វាន់លេខ១ រហូតដល់ទៅ ២០លានរៀល ឯណោះ។
កញ្ញា ឡាវ ស្រីដែត តំណាងកូកាកូឡា ដែលជាអ្នករៀបចំពានរង្វាន់ខាងលើនេះបានឲ្យដឹងថា ពិតជាមានមោទកភាពខ្លាំងណាស់ដែលបានបង្កើតឲ្យមានពានបាល់ទាត់ Aquarius Cup 2020 នេះឡើង។ នេះមិនមែនត្រឹមតែជាការប្រកួតបាល់ទាត់នោះទេ ប៉ុន្តែវាជាការឲ្យតម្លៃគ្នាទៅវិញទៅមក បង្ហាញពីសាមគ្គីភាពក្នុងក្រុម និងការគោរពស្រឡាញ់អ្នកចូលចិត្តកីឡានេះដូចគ្នាផងដែរ។
បញ្ជាក់ដែរថា ពានរង្វាន់ Aquarius Cup 2020 បានបើកការប្រកួតជាផ្លូវការហើយនាថ្ងៃម្សិលមិញនេះនៅឯតារាងបាល់ទាត់វិទ្យាល័យឥន្ទ្រទេវី។ ចំពោះក្រុមចូលរួមវិញមាន ៣២ ដែលចែកជា៨ពូលផ្សេងៗគ្នា ហើយត្រូវប្រកួតរកឃើញក្រុមលេខ ១-២ ក្នុងពូលបានឡើងទៅជុំបន្តទៀត។ ការប្រកួតធ្វើរហូតដល់រកឃើញក្រុមឈ្នះពីលេខ ១-៤ ចំពោះប្រាក់រង្វាន់ម្ចាស់ពានលេខ១ ទទួលបានប្រាក់ ២០លានរៀល លេខ២ ទទួលបាន ១០លានរៀល លេខ៣ ទទួលបាន ៥លានរៀល និងលេខ៤ ទទួលបាន ៣លានរៀល៕