Pixel 4 បានពានស្មាតហ្វូនអន់បំផុតប្រចាំឆ្នាំ ខណៈម៉ូឌែលល្អដាច់គេធ្លាក់លើក្រុមហ៊ុនចិន

2019-12-25 01:21:48
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនបញ្ចប់ឆ្នាំ ២០១៩ YouTuber ល្បីឈ្មោះមួយរូបគឺ Marques Brownlee (MKBHD) បានចាត់ចំណាត់ថ្នាក់វាយតម្លៃស្មាតហ្វូនល្អបំផុតប្រចាំឆ្នាំ ២០១៩ តាមផ្នែកនីមួយៗនិងលទ្ធផលជារួម។

MKBHD គឺជា Channel មួយដែលបាន Review ស្មាតហ្វូនសេរ៊ីខ្ពស់សឹងគ្រប់យីហោ និងម៉ូឌែល ដោយជារៀងរាល់ឆ្នាំក៏តែងមានការវាយតម្លៃរបៀបនេះផងដែរ។ សម្រាប់ឆ្នាំ ២០១៩ មានដូចខាងក្រោម៖

ស្មាតហ្វូនធំបំផុត

Asus ROG Phone II: អេក្រង់ធំ មាន Refresh Rate ដល់ ១២០Hz និងថាមពលថ្ម ៦ ០០០mAH។

ស្មាតហ្វូនតូចបំផុត

Galaxy S10E: រូបរាងតូចច្រឡឹង ប្រើកាមេរ៉ា ៣ គ្រាប់ ថាមពលថ្មកាន់ អមរន្ធដោតកាស ៣.៥ ម.ម។

ស្មាតហ្វូនកាមេរ៉ាល្អបំផុត

iPhone 11 Pro: ជាមួយកាមេរ៉ាក្រោយទាំង ៣ គ្រាប់មានឡេន Wide, Telephoto និង Ultra Wide គណនី MKBHD បានទទួលស្គាល់ថាវាជាស្មាតហ្វូនមានកាមេរ៉ាល្អដាច់គេ ជាពិសេសការថតនៅពេលយប់។

ស្មាតហ្វូនថ្មកាន់បំផុត

Asus ROG Phone II: ថាមពលថ្ម ៦ ០០០mAh គាំទ្រការសាកថ្មឥតខ្សែ ប្រសិនប្រើជាទូទៅអាចកាន់ដល់រយៈពេល ២ ថ្ងៃ។

ស្មាតហ្វូនមានការរចនាល្អបំផុត

Samsung Galaxy Fold: ជាស្មាតហ្វូនប្រើប្រាស់រចនាបថអេក្រង់បត់ដំបូងនៅឆ្នាំនេះ។

ស្មាតហ្វូនប្រើកញ្ចប់ថវិកាល្អបំផុត

Redmi K20 Pro: តម្លៃចាប់ផ្តើមពី ២៩៩ ដុល្លារឡើងទៅ ប៉ុន្តែសម្រាប់លក្ខណៈសម្បត្តិម៉ាស៊ីនគឺមិនណយ ដោយមានទាំងកាមេរ៉ាក្រោយ ៣ គ្រាប់ អមកាមេរ៉ាមុខផុស និងថាមពលថ្មកាន់បានយូរ។

ស្មាតហ្វូនអន់បំផុត

Google Pixel 4: វាយតម្លៃទាំងមិនស្ទាក់ស្ទើរ ព្រោះម៉ូឌែលនេះថ្លៃដល់ ៩០០ ដុល្លារ តែគ្មានមុខងារពិសេសអ្វីច្រើនទាល់តែសោះ ហើយសូម្បីថតវីដេអូ 4K ដោយប្រើឡេន Ultra Wide ក៏មិនបានថែមទៀត។

ស្មាតហ្វូនមានការវិវត្ត្តល្អបំផុត

Asus ROG Phone II: ជាការបន្ទាន់សម័យពីជំនាន់ចាស់មកកាន់ជំនាន់ថ្មី គឺមានការផ្លាស់ប្តូរល្អបំផុត។

ស្មាតហ្វូនល្អបំផុតប្រចាំឆ្នាំ (MVP)

OnePlus 7 Pro: ការដែលរើសយកOnePlus 7 Pro ព្រោះជាស្មាតហ្វូនដែលមានតម្លៃធូរ គួបផ្សំនឹងរូបរាងក៏ដូចជាលក្ខណៈសម្បត្តិលើសពីការរំពឹងទុក។ តម្លៃ ៤៩៩ ដុល្លារអាចកាន់ស្មាតហ្វូនប្រើឈីប SD855 អមកញ្ចប់ AMOLED មាន RAM 6GB-128GB ROM ខណៈផ្ទៃអេក្រង់ក៏ពេញឥតស្នាមឆកថែមទៀត៕

ទស្សនាវីដេអូខាងក្រោម៖