កែវ រំចង់ នឹងហោះទៅជប៉ុនយប់ម៉ោង៧ថ្ងៃនេះ

2019-12-26 02:50:16
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ កែវ រំចង់ នឹងហោះទៅជប៉ុននៅថ្ងៃនេះហើយវេលាម៉ោង៧យប់នេះ ដើម្បីចូលរួមការប្រកួតនៅទីនោះនាចុងខែធ្នូ ២០១៩។

រំចង់ បានឲ្យដឹងថា រូបគេធ្វើដំណើរឡើងពីបាត់ដំបងយប់មិញ និងមកដល់ភ្នំពេញភ្លឺហើយរង់ចាំឡើងយន្តហោះម៉ោង៧យប់នេះតែម្ដង។ អ្នកប្រដាល់រូបនេះបន្តទៀតថា ការប្រកួតជាមួយម្ចាស់ផ្ទះជប៉ុន Yamagiwa Kazuki លើកនេះសង្ឃឹម ៧០% ខណៈការប្រកួតនេះគឺប្រកួតលក្ខណៈ Kick Boxing នោះទេមិនមែនគុនខ្មែរឡើយ។ តែយ៉ាងណាកីឡាករមកពីបាត់ដំបងរូបនេះបញ្ជាក់ថាក៏ជំនាញផ្នែកនេះដែរ។

កីឡាករ កែវ រំចង់

កែវ រំចង់ អរគុណបំផុតចំពោះអ្នកគាំទ្រ អ្នកដែលតែងតែស្រឡាញ់ខ្លួនតាំងពីមិនទាន់ល្បីរហូតមកដល់បច្ចុប្បន្ននេះ ហើយខ្លួននឹងខំប្រឹងប្រែងប្រកួតបន្តទៀតជាពិសេសសម្រាប់ការប្រកួតនៅឯប្រទេសជប៉ុនថ្ងៃទី២៩ ខែធ្នូ ២០១៩ ទីក្រុងតូក្យូនេះ៕