រជ្ជកាល Arteta នៅ Arsenal ចាប់ផ្ដើមជាមួយលទ្ធផលស្មើគ្នា
- 2019-12-27 03:33:52
- ចំនួនមតិ 0 | ចំនួនចែករំលែក 0
រជ្ជកាល Arteta នៅ Arsenal ចាប់ផ្ដើមជាមួយលទ្ធផលស្មើគ្នា
ចន្លោះមិនឃើញ
Mikel Arteta ជឿជាក់ថាក្រុម Arsenal លេងបានល្អជាងអ្វីដែលខ្លួនបានរំពឹងទុក បើទោះជាលទ្ធផលយប់មិញត្រឹមស្មើគ្នា ១-១ ជាមួយ Bournemouth ក៏ដោយ។
នៅថ្ងៃដឹកនាំដំបូងរបស់ Arteta ក្រុមរហស្សនាមកាំភ្លើងធំ ត្រូវម្ចាស់ផ្ទះនាំមុខនៅនាទី៣៥ ស៊ុតបញ្ចូលទីដោយ Gosling ប៉ុន្តែ Aubameyang តាមស្មើបានវិញនៅនាទី៦៣។ Arsenal ស៊ុត១៧ជើងក្នុងការប្រកួតនោះច្រើនជាងការស៊ុតសរុប២ប្រកួតចុងក្រោយរបស់ពួកគេទៅទៀត។
"ខ្ញុំមិនសូវរីករាយដោយសារពួកយើងមិនបានឈ្នះការប្រកួត ប៉ុន្តែខ្ញុំរីករាយចំពោះស្ថិតិ និងទម្រង់លេងរបស់ក្រុម។ អត្តចរិតកីឡាករ, ការប្ដេជ្ញា និងភាពស្រេកឃ្លានជ័យជម្នះរបស់ពួកគេគឺលើសពីអ្វីដែលខ្ញុំបានរំពឹងទុក"។ Arteta និយាយដូច្នេះ៕