Apple Watch ដាក់លក់ហូរហែនៅវៀតណាម ធូរថ្លៃតែជាង ១០០ ដុល្លារ
- 2019-12-27 06:12:35
- ចំនួនមតិ 0 | ចំនួនចែករំលែក 0
Apple Watch ដាក់លក់ហូរហែនៅវៀតណាម ធូរថ្លៃតែជាង ១០០ ដុល្លារ
ចន្លោះមិនឃើញ
នាឡិកាឆ្លាតវៃរបស់ក្រុមហ៊ុន Apple ត្រូវបានគេស្គាល់ជាម៉ាកដ៏ពេញនិយមមួយសម្រាប់ស្រទាប់យុវវ័យ។ ក្រឡេកទៅមើលទីផ្សារប្រទេសវៀតណាមប្រភេទជំនាន់ទី ១ នៃ Apple Watch ក៏ហាក់កំពុងទទួលការចាប់អារម្មណ៍ខ្ពស់ ដោយសារតែកត្តាតម្លៃរបស់វា។
តាមប្រភពពីហាងមួយនៅទីក្រុងហាណូយ បានឲ្យដឹងថាពួកគេបាននាំចូលនាឡិកា Apple Watch Series 1 ជាច្រើនគ្រឿង ប៉ុន្តែត្រឹមតែប្រភេទក្បាលម៉ាស៊ីន ដោយទំហំ ៣៨ ម.ម តម្លៃ ២.៩ លានដុងឬប្រហែល ១២៥ ដុល្លារ និង ៤២ ម.ម តម្លៃ ៣.១ លានដុងឬប្រហែល ១៣៥ ដុល្លារ។
តម្លៃនេះមិនរាប់បញ្ចូលខ្សែ និងឧបករណ៍សាកអ្វីនោះឡើយ ពោលបើចង់ទិញបន្ថែមគ្រប់ឈុតអ្នកត្រូវចាយលុយចន្លោះពី ១០ ទៅ ២០ ដុល្លារផ្សេងទៀត។
តាមរយៈការលើកឡើងរបស់អ្នកលក់មួយរូបឈ្មោះ Quang Trung បានឲ្យដឹងថាបច្ចុប្បន្នវាមិនជាមានការប្រកួតប្រជែងខ្លាំងអ្វីនោះទេ ជាមួយប្រភេទម៉ូឌែលធុនខ្ពស់ ព្រោះវាជាសេរ៊ីយូរណាស់មកហើយ ដែលកម្រាស់ម៉ាស៊ីនក៏ក្រាស់ខ្លាំងនិងមិនអាចគាំទ្រដំណើរការ eSIM ដូច Series 3 អ្វីថែមទៀត។
ប៉ុន្តែចំពោះតម្លៃជាង ១០០ ដុល្លារប៉ុណ្ណេះ គឺវាអាចតតាំងនឹងម៉ូឌែលដទៃដូចជា Samsung Gear Fit2 Pro, Honor Watch Magic ឬ Watch GT ដែលកំពុងចរាចរលើទីផ្សារមួយតឹកបាន៕
អានអត្ថបទ: