គួរឲ្យសរសើរ! ចិនចេញច្បាប់ថ្មី ការពារគ្រូពេទ្យពីអំពើហិង្សា
- 2019-12-30 06:17:02
- ចំនួនមតិ 0 | ចំនួនចែករំលែក 0
គួរឲ្យសរសើរ! ចិនចេញច្បាប់ថ្មី ការពារគ្រូពេទ្យពីអំពើហិង្សា
ចន្លោះមិនឃើញ
រដ្ឋាភិបាលប្រទេសចិន បានចេញច្បាប់ថ្មីក្នុងគោលបំណងការពារបុគ្គលិកពេទ្យទាំងអស់ពីការប្រើប្រាស់អំពើហិង្សា។
យោងតាមសារព័ត៌មានរដ្ឋចិនឲ្យដឹងថា ការប្រកាសច្បាប់ថ្មីនេះ ត្រូវបានធ្វើឡើងរយៈពេលតែប៉ុន្មានថ្ងៃប៉ុណ្ណោះក្រោយពេលដែលគ្រូពេទ្យស្រីម្នាក់ ត្រូវបានគេចាប់សម្លាប់នៅក្នុងមន្ទីរពេទ្យក្រុងប៉េកាំង។ ច្បាប់នេះ នឹងធ្វើការហាមឃាត់អង្គភាព ឬបុគ្គលណាមួយពីការគំរាមកំហែងឬធ្វើឲ្យប៉ះពាល់ដល់សុវត្ថិភាពផ្ទាល់ខ្លួន ឬសេចក្ដីថ្លៃថ្នូររបស់បុគ្គលិកពេទ្យ។ ស្ត្រីឈ្មោះ Yang Wen ដែលកំពុងធ្វើការផ្នែកសង្គ្រោះបន្ទាន់មុនពេលដែលត្រូវបានវាយប្រហារដោយបុរសម្នាក់។ ប្រព័ន្ធផ្សព្វផ្សាយចិន អះអាងថាបុរសជនល្មើសខាងលើគឺជាសាច់ញាតិរបស់អ្នកជំងឺដែលកំពុងសម្រាកព្យាបាលក្នុងមន្ទីរពេទ្យ។
តាមច្បាប់ថ្មីនេះ អ្នកដែលប្រព្រឹត្តល្មើសដូចជារំខានដល់បរិស្ថានក្នុងមន្ទីរពេទ្យ, ប៉ះពាល់ដល់សុវត្ថិភាព និងសេចក្ដីថ្លៃថ្នូរបុគ្គលិកពេទ្យ នឹងត្រូវទទួលការពិន័យរដ្ឋបាលដូចជាពិន័យជាប្រាក់ ឬឈានដល់ការឃុំខ្លួនជាដើម។ ក្រៅពីណេះ អ្នកដែលបានទទួលការប្រើប្រាស់ ឬផ្សព្វផ្សាយព័ត៌មានអំពីសុខភាពឯកជនរបស់អ្នកជំងឺ ក៏នឹងត្រូវរងពិន័យផងដែរ។
យ៉ាងណាមិញ ច្បាប់ថ្មីនេះ នឹងត្រូវចូលជាធរមានចាប់ពីថ្ងៃទី ១ខែមិថុនាឆ្នាំក្រោយតទៅ។ គួរឲ្យដឹងថា តាមស្ថិតិបង្ហាញថាយ៉ាងហោចណាស់មានហិង្សាមកលើបុគ្គលិកពេទ្យចំនួន ១២ករណី ហើយបុគ្គលិក ២នាក់ត្រូវបានសម្លាប់ក្នុងឆ្នាំ ២០១៨៕