៥ ឆ្នាំមុន ហេង វិសាល ត្រូវធ្វើការសម្រេចចិត្តដ៏ពិបាកមួយក្នុងជីវិត

2020-01-08 04:08:20
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហេង វិសាល ត្រូវបានគ្រប់គ្នាស្គាល់ថាជា Vlogger និង YouTuber ល្បីម្នាក់នៅក្នុងបណ្ដាញសង្គមដែលកំពុងមានការគាំទ្រយ៉ាងច្រើនពេលបច្ចុប្បន្ន។

រូបភាព៖ ហ្វេស បុក ផេក ហេង វិសាល

ក្នុងវីដេអូថ្មីចុងក្រោយ ហេង វិសាល បាននិយាយពីរឿងរ៉ាវរបស់ខ្លួនមុនពេលក្លាយខ្លួនជា Vlogger ល្បីពេលបច្ចុប្បន្ន។ វាបានចាប់ផ្ដើមកាលពី ៥ ឆ្នាំមុន ពេលដែលរូបគេត្រូវធ្វើការសម្រេចចិត្តដ៏ពិបាកមួយ ត្រូវជ្រើសរើសរវាងការងារនៅជប៉ុនដែលទទួលបានប្រាក់ខែ ២ ៥០០ ដុល្លារ និងការផលិតវីដេអូដែលជាចំណង់ចំណូលចិត្តរបស់ខ្លួន។

វាជាការសម្រេចចិត្តដ៏ពិបាក ដោយសារអ្នកនៅជំុវិញជម្រុញឲ្យជ្រើសរើសការងារនៅជប៉ុន ឯសាមីខ្លួនពេញចិត្តនឹងការផលិតវីដេអូច្រើនជាង។ ចុងក្រោយ ហេង វិសាល បានសម្រេចដើរតាមបេះដូងរបស់ខ្លួន ដោយជ្រើសយកការផលិតវីដេអូ និងចាប់ផ្ដើមរៀបចំផែនការសម្រាប់ពេល ៥ ឆ្នាំខាងមុខ ដើម្បីសម្រេចនូវសមិទ្ធផល បញ្ជាក់ឲ្យអ្នកជុំវិញបានឃើញ។

រូបភាព៖ ហ្វេស បុក ផេក ហេង វិសាល

រយៈពេល ៥ ឆ្នាំក្រោយ តាមរយៈការផលិតនូវវីដេអូប្លែកៗពោរពេញដោយភាពច្នៃប្រឌិត ចែករំលែកលើបណ្ដាញអ៊ីនធឺណិត ហេង វិសាល ពិតជាជោគជ័យខ្លាំង ដោយអាចប្រមូលបានអ្នកគាំទ្រច្រើនសន្ធឹកទាំងលើ Facebook និង YouTube។ ចង់ដឹងកាន់តែច្បាស់ទស្សនាវីដេអូខាងក្រោមទាំងអស់គ្នា៖

អត្ថបទ៖ ម៉េងងី