ធ្លាយរឿងពិត អ៊ីរ៉ង់ស្មានតែយន្ដហោះទម្លាក់គ្រាប់បែកអាមេរិក ទើបបាញ់យន្ដហោះអ៊ុយក្រែន

2020-01-10 06:16:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អ៊ីរ៉ង់បានបាញ់មីស៊ីល២គ្រាប់ លើយន្ដហោះដឹកអ្នកដំណើរអ៊ុយក្រែន ដោយសារតែពួកគេច្រឡំថាវាជាយន្ដហោះទម្លាក់គ្រាប់បែករបស់អាមេរិក មកសងសឹកពួកគេ។

ក្រោយពីបាញ់មីស៊ីលស្រោចលើមូលដ្ឋានទ័ពអាមេរិករួចមក អ៊ីរ៉ង់ក៏បានត្រៀមខ្លួនជាស្រេច ខ្លាចក្រែងអាមេរិកធ្វើការសងសឹកវិញភ្លាមៗ។ នៅប៉ុន្មានម៉ោងប៉ុណ្ណោះ ក៏មានយន្ដហោះដឹកអ្នកដំណើរអ៊ុយក្រែនមួយគ្រឿងហោះពីព្រលានយន្ដហោះតេរ៉ង់។ ភ្លាមនោះ កងទ័ពអ៊ីរ៉ង់ ក៏បានបាញ់មីស៊ីលដល់ទៅ២គ្រាប់ឯណោះ ដើម្បីកម្ទេចយន្ដហោះមួយគ្រឿងនោះ ដោយពួកគេស្មានតែវាជាយន្ដហោះទម្លាក់គ្រាប់បែករបស់អាមេរិក មកវាយប្រហារខ្លួន។ នេះបើតាមការបញ្ជាក់របស់អាមេរិក មើលតាមsatellite។

រំលឹកថាយន្ដហោះដឹកអ្នកដំណើរដែលធ្លាក់នោះ មានផ្ទុកមនុស្សសរុប១៧៦នាក់ ក្នុងនោះមានជនជាតិអ៊ីរ៉ង់ផ្ទាល់៨២នាក់ កាណាដា ៦៣នាក់ អ៊ុយក្រែន ១១នាក់ ស៊ុយអែត១០នាក់ អង់គ្លេស៣នាក់ អាល្លឺម៉ង់៤នាក់និងអាហ្វហ្គានីស្ថាន៤នាក់់៕

ប្រភព៖ Dailymail អត្ថបទ៖ វ៉ាន់ សក្ដិ