PL មានគម្លាតពីក្លឹបលេខ ១ ទៅលេខ ២ ជាង ២០ពិន្ទុ ខណៈលីគកំពូលៗមានគម្លាតតិចមែនទែន

2020-01-12 03:13:32
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមខែមករានេះ នៅតាមលីគកំពូលៗនីមួយៗ ក្នុងទ្វីបអឺរ៉ុបកំពុងតែស្វះស្វែងប្រដេញជើងគ្នា។ នៅក្នុងរដូវកាល២០១៩/២០ នេះ ភាគច្រើននៅលីគកំពូលៗទាំង ៥ ហាក់មានការប្រកួតប្រជែងយ៉ាងខ្លាំង ដោយគេសង្កេតឃើញមានគម្លាតពិន្ទុរវាងក្លឹបកំពូលតារាង និងក្លឹបលេខ ២ មានចំនួនតិចៗមែនទែន។

នៅលីគកំពូលអេស្ប៉ាញ ក្លឹបលេខ ១ និងក្លឹបលេខ ២ ស្មើពិន្ទុគ្នា។ Real Madrid និងក្លឹប Barcelona មាន ៤០ពិន្ទុដូចគ្នា ដោយខុសតែគ្រាប់បាល់ប៉ុណ្ណោះ។

ចំណែកឯនៅអ៊ីតាលីវិញ Inter Milan មាន ៤៦ពិន្ទុ លើសពិន្ទុ Juventus ចំនួន ១ពិន្ទុ។ រីឯនៅអាល្លឺម៉ង់វិញ ក្លឹប RB Leipzig នៅកំពូលតារាងលើស Monchengladbach ចំនួន ២ពិន្ទុ។

ងាកមកមើលលីគកំពូលបារាំងវិញ ក្លឹប Paris Saint-Germain ធ្លាប់តែដាច់ក្លឹបលេខ២ រាប់សិបពិន្ទុ តែនៅរដូវកាលនេះ ឃ្លាតតែ ៤ពិន្ទុទេ ដោយ Marseille មាន ៤១ពិន្ទុ ហើយ PSG មាន ៤៥ពិន្ទុ។

លីគកំពូលអង់គ្លេសវិញ ធ្លាប់តែល្បីថាមានការប្រកួតប្រជែងខ្លាំង ប៉ុន្តែនៅក្នុងរដូវកាលនេះវិញ Liverpool ដែលកំពុងឈរកំពូលតារាង ដាច់ក្លឹបលេខ ២ Leicester City រហូតដល់ទៅ ១៦ពិន្ទុ៕

អត្ថបទ៖ ហ៊ីម រស្មី