៨ ចំណុចនេះពិតជាបញ្ជាក់ច្បាស់ថា Chen នឹងក្លាយជាឪពុកដ៏ល្អ

2020-01-14 03:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងប្រកាសថាមានគូជីវិតចេញពី Chen ពិតជាធ្វើឲ្យអ្នកគ្រប់គ្នាស្មានមិនចង់ដល់ ដោយសារតែកន្លងមកមិនដែលសូម្បី១ដង ថាតារាប្រុសរូបនេះមានទំនាក់ទំនងជាមួយអ្នកណាសោះ។ ប៉ុន្តែពេលនេះស្រាប់តែសាមីខ្លួនបើកបង្ហាញភ្លាម ថែមទាំងមានការបញ្ជាក់ពីផលិតកម្ម SM ថាគូដណ្ដឹងរបស់ Chen កំពុងមានទម្ងន់ ៧ខែទៀត។

មានកូនដំបូងមែន តែគ្រប់គ្នាដែលស្គាល់ Chen ច្បាស់ជាទទួលស្គាល់ថា លោកនឹងក្លាយជាឪពុកដ៏ល្អ តាមរយៈកាយវិការទាំងនេះ៖

១. Chen នឹងច្រៀងបទបំពេកូនចូលគេងជាមួយនឹងសំឡេងដ៏ពីរោះរបស់លោក

កូនរបស់ Chen នឹងលង់លក់ដោយសារសំឡេងផ្អែមរបស់លោក ជាសំឡេងដែលមនុស្សជាច្រើនត្រូវចំណាយលុយសិន ដើម្បីអាចចូលមើលការសម្ដែង។ ដូចនេះក្មេងម្នាក់នោះ ពិតជាសំណាង ឲ្យអ្នកគាំទ្រលួចច្រណែនមិនខាន។

២. Chen តែងតែមើលថែសមាជិកក្នុងក្រុម

កាយវិការមើលថែរបស់ Chen ចំពោះសមាជិក EXO ពិតជាមិនអាចរំលងបានឡើយ។ លោកតែងចាត់ទុកមិត្តរួមក្រុមប្រៀបដូចកូនក្មេងដែលលោកត្រូវតែយកចិត្តទុកដាក់គ្រប់ពេល ដូចលោកជាឪពុក។

៣. Chen ដឹងពីរបៀបបង្កើតភាពសប្បាយរីករាយ

អាចនិយាយបានថាសមាជិក EXO ម្នាក់នេះ ជាអ្នកដែលលេងច្រើនដែរក្នុងក្រុម។ លោកចូលចិត្ត Prank កូរគ្រប់គ្នាដែលនៅជិតឲ្យរីករាយ។ ជាឧទាហរណ៍ពេលលោកចូលរួមកម្មវិធី The Return of Superman លោកជាមនុស្សតែម្នាក់ដែលចេះរកនឹកឃើញ វិធីកុំឲ្យក្មេងធុញទៀត។

៤. លោកមិនខ្លាចនឹងធ្វើឆ្កួត ធ្វើជា

ក្នុងកម្មវិធី The Return of Superman ដដែល Chen ព្យាយាមធ្វើគ្រប់យ៉ាងដើម្បីឲ្យក្មេងៗបានលេងសប្បាយ កុំឲ្យភ័យ ដូចនេះលោកបានធ្វើសំឡេងកំប្លែង ពេលស្រូបខ្យល់ពីក្នុងប៉េងប៉ោង កុំថាតែក្មេង សូម្បីមនុស្សចាស់ក៏ទប់សំណើចមិនបានដែរ។

៥. ប្រុសម្នាក់នេះ ជាមនុស្សចិត្តល្អ និងគួរឲ្យស្រឡាញ់

អ្នកគាំទ្ររបស់ EXO សុទ្ធតែដឹងថា Chen ជាបុរសដែល Sweet និងគួរឲ្យស្រឡាញ់បំផុត។ ទឹកចិត្តរបស់លោកមានចំពោះអ្នកគាំទ្រ និងសមាជិករួមក្រុម ពិតជាល្អមិនអាចបដិសេធបានឡើយ។

៦. Chen ដឹងច្បាស់ពីតម្លៃនៃការងារ និងការតស៊ូអំណត់

មុនក្លាយខ្លួនជា Idol ដែលទទួលបានភាពជោគជ័យ គឺទាមទារឲ្យមានការអត់ធ្មត់ ស៊ូគ្រប់រឿង មានទេពកោសល្យ និងមិនរួញរាគ្រប់ឧបសគ្គនៅពីមុខឡើយ។ រឿងគ្រប់យ៉ាង Chen អាចស៊ូបានទាំងអស់ ដូចនេះក៏មិនមែនជាបញ្ហាធំខ្លាំងសម្រាប់លោក ពេលក្លាយជាឪពុកគេដែរ។

៧. ក្មេងនឹងមានសុវត្ថិភាពពេលមាន Chen នៅក្បែរ

ធ្វើជាម្ដាយឪពុកគេ កាតព្វកិច្ចចម្បងគឺមើលថែកូនឲ្យបានល្អបំផុត ចៀសវាងគ្រោះថ្នាក់ផ្សេងៗ។ ក្មេងៗមិនដែលនៅស្ងៀមទេ តែងរត់ទៅនេះ ទៅនោះ ងាយនឹងគ្រោះថ្នាក់ណាស់ ដូចនេះឪពុកម្ដាយត្រូវតែមើលឲ្យជាប់។ ប៉ុន្តែភាពជាឪពុករបស់ Chen អ្នកគាំទ្រពិតជាទុកចិត្តថាលោក ពិតជាអាចការពារកូនបានល្អ ដោយសារភាពហ្មត់ចត់របស់លោក។

៨. មិនខ្លាចនឹងប្រឡូកប្រឡាក់

ជាតារាល្បីក៏ដោយ ប៉ុន្តែពេលនៅជិតក្មេងៗ Chen មិនដែលប្រកាន់ ពេលក្មេងធ្វើឲ្យលោកប្រឡាក់ខ្លួនឡើយ។ តាំងពីទ្រចំណីដែល ក្មេងទំពារខ្ជាក់លើដៃ ក៏ Chen មិនខ្ពើម ហើយលេងជាមួយពួកគេយ៉ាងស្និទ្ធ ប្រៀបដូចឪពុកកូនពិតៗ៕

ប្រភព៖ Koreaboo ប្រែសម្រួល៖ យី សុធារី