ឈ្នះ Super Cup នៅមជ្ឈិមបូព៌ា តើ Real បានលុយរង្វាន់ប៉ុន្មានលាន?
- 2020-01-14 11:51:42
- ចំនួនមតិ 0 | ចំនួនចែករំលែក 0
ឈ្នះ Super Cup នៅមជ្ឈិមបូព៌ា តើ Real បានលុយរង្វាន់ប៉ុន្មានលាន?
ចន្លោះមិនឃើញ
ក្លឹបអេស្ប៉ាញ Real Madrid ទទួលបានទឹកប្រាក់ចំនួនជាង ១៣លានដុល្លារ ក្រោយឈ្នះពាន Super Cup អេស្ប៉ាញ នៅព្រះរាជាណាចក្រអារ៉ាប៊ីសាអ៊ូឌីតកាលពីថ្ងៃអាទិត្យកន្លងទៅ។
បើយោងតាមសារព័ត៌មាន Marca បានឲ្យដឹងថា សហព័ន្ធភូមិន្ទបាល់ទាត់អេស្ប៉ាញ បានផ្ដល់ប្រាក់រង្វាន់ច្រើនជាង ឈ្នះពានដដែលនេះកាលពីឆ្នាំៗមុន។
គ្រាន់តែពាក់កណ្ដាលរដូវកាល ២០១៩/២០នេះ ក្លឹបអធិរាជសនេះ រកបានជាង ៥២លានដុល្លារ ដោយជាង ១៣លានដុល្លារពីពានក្នុងស្រុកខាងលើ ហើយជាង ៤០លានដុល្លារពីប្រកួតវគ្គចែកពូលនៃក្របខ័ណ្ឌ UEFA Champions League។
សារព័ត៌មានអេស្ប៉ាញនេះក៏បានគណនាថា កីឡាករក្លឹបនេះម្នាក់ៗមានប្រាក់រង្វាន់ជាង ២០ម៉ឺនដុល្លារ រត់មុខបាត់ទៅហើយ ត្រឹមខែមករា ឆ្នាំ២០២០នេះ៕