វិបត្តិគ្រួសារច្រើនពេក បុរសម្នាក់ឱបកូនអាយុ៧ខែលោតពីលើស្ពានសម្លាប់ខ្លួន
- 2020-01-17 04:05:00
- ចំនួនមតិ 0 | ចំនួនចែករំលែក 0
វិបត្តិគ្រួសារច្រើនពេក បុរសម្នាក់ឱបកូនអាយុ៧ខែលោតពីលើស្ពានសម្លាប់ខ្លួន
ចន្លោះមិនឃើញ
ដោយសារតែមានបញ្ហាច្រើនពេកដោះស្រាយមិនបាន បុរសម្នាក់មកពីប្រទេសវៀតណាម បានប្រុងលោតសម្លាប់ខ្លួនពីលើស្ពាន ដោយមានយកតាមកូនអាយុមិនដល់១ខួបម្នាក់ផងដែរ។
សារព័ត៌មានក្នុងស្រុកវៀតណាម បានឲ្យដឹងថា កាលពីវេលាម៉ោង១២ថ្ងៃ កន្លងទៅនេះ នៅចំណុចស្ពាន Long Bien ទីក្រុងហាណូយ ប្រទេសវៀតណាម បានកើតរឿងហេតុមួយធ្វើឲ្យប្រជាជនក្នុងតំបន់ភ័យឆោឡោ។ តាមនោះដែរ បុរសម្នាក់បានមានបំណងសម្លាប់ខ្លួន ដោយប្រុងអោបកូនទៅជាមួយដែរ។
នៅពេលហេតុការណ៍នេះ ប្រជាជនបានរាយការណ៍ទៅសមត្ថកិច្ចឲ្យចុះមកអន្តរាគមន៍។ ប៉ូលិសនៅក្នុងតំបន់ក៏មានវត្តមានភ្លាមៗដើម្បីហាមឃាត់ការគិតខ្លីរបស់ឪពុកកូន២នាក់ខាងលើ។ ក្រោយពេលចំណាយពេលជាង១ម៉ោងដើម្បីលើកទឹកចិត្ត ក៏ដូចដាស់តឿនលោកឪពុកវ័យ៣១ឆ្នាំនេះ លោកក៏ព្រមឡើងមកលើដោយសុវត្ថិភាព។
នៅប៉ុស្តិ៍ប៉ូលិស បុរសឈ្មោះ Pham Gia M. កើតឆ្នាំ១៩៨៩ បានចែករំលែកថា ដោយសារគៀកចូលឆ្នាំប្រពៃណីវៀតណាម សំពាធច្រើនពេក គួបផ្សំនឹងការរកប្រាក់មានភាពលំបាកនោះ ធ្វើឲ្យលោកគិតអ្វីលែងត្រូវ ហើយចង់បញ្ចប់គ្រប់រឿងរ៉ាវទាំងអស់ ដោយការសម្លាប់ខ្លួន។ ដោយសារតែខ្លាចពេលខ្លួនស្លាប់ហើយ ទុកកូនឲ្យក្លាយជាបន្ទុករបស់ឪពុកម្ដាយចាស់ជរានោះ លោកក៏បំរុងយកកូនទៅតាមដែរ តែត្រូវបានគេហាមឃាត់ទាន់ពេលវេលា៕