ទីបំផុត អាថ៌កំបាំងស្បែកស្អាត រាងស្រឡូនរបស់ Angelababy ត្រូវបានបង្ហាញខ្ទេចគ្មានសល់
- 2020-01-17 07:40:00
- ចំនួនមតិ 0 | ចំនួនចែករំលែក 0
ទីបំផុត អាថ៌កំបាំងស្បែកស្អាត រាងស្រឡូនរបស់ Angelababy ត្រូវបានបង្ហាញខ្ទេចគ្មានសល់
ចន្លោះមិនឃើញ
សម្រស់របស់ Angelababy បានបង្កព្យុះភ្លៀងលើបណ្ដាញសង្គមចិន ដោយសារតែតារាសម្ដែងស្រីលំដាប់ A រូបនេះឈានចូលវ័យ ៣០ឆ្នាំហើយ តែនៅក្មេងមិនផ្លាស់ប្ដូរ។ មនុស្សជាច្រើនបានឆ្ងល់ថា តើតារាកូន១ រូបនេះ មានអាថ៌កំបាំងអ្វី?
១. កម្ចាត់ស្បែកខ្មៅស្រអាប់ចោល
តាមការចែករំលែករបស់ Angelababy ដើម្បីបានស្បែកម៉ត់និងភ្លឺថ្លាត្រូវជូតគ្រឿងសម្អាងចោលមុនចូលគេងរាល់យប់។ នៅពេលណាដែលកត់សម្គាល់ថា ស្បែកហត់នឿយ ខ្វះជាតិទឹក តារារូបនេះប្រញាប់បិទម៉ាសជាបន្ទាន់។ គន្លឹះមួយទៀត នាងតែងម៉ាស្សាស្បែកមុខមុនពេលផាត់មុខ ដើម្បីជំរុញចលនាឈាមឲ្យរត់បានល្អលើស្បែកមុខ និងមានពណ៌ស៊ីជម្ពូ។
២. ថែទាំស្បែកឲ្យស្រស់ស្អាតពីខាងក្នុង
កុំគ្រាន់តែចង់បានស្បែកស្អាតពីខាងក្រៅ តែត្រូវបំពេញពីខាងក្នុងដោយ Angelababy តែងញ៉ាំបន្លែ ផ្លែឈើ ដើម្បីបន្ថែមវីតាមីនដល់សុខភាពស្បែក។ ធម្មតា ចូលវ័យ៣០ឆ្នាំ ស្បែកច្បាស់ជាលេចស្នាមជ្រួញមិនខាន ដូច្នេះដើម្បីទប់ស្កាត់ តារាសម្ដែងស្រីល្បីល្បាញរូបនេះ តែងញ៉ាំខូឡាជែន រាល់ថ្ងៃ។ ទន្ទឹមនឹងនេះ Angelababy ព្យាយាមចូលគេងឲ្យបានលឿននៅពេលមិនរវល់ថតកុន ដើម្បីទទួលបានស្បែកមើលទៅស្រស់ថ្លា។
ម្យ៉ាងទៀត ការងាររបស់តារារូបនេះតែងហោះទៅក្រៅប្រទេសញឹកញាប់។ ដូច្នេះអាកាសធាតុនៅតាមបណ្ដាលប្រទេសនីមួយៗក៏ខុសគ្នាដែរ ជាហេតុធ្វើឲ្យស្បែកមុខងាយស្ងួតជាទីបំផុត។ រាល់ពេលចាកចេញពីយន្តហោះភ្លាម រឿងមុនគេដែល Angelababy ធ្វើគឺលាបឡេផ្តល់សំណើមដល់ស្បែក។
៣. រៀបចំសកម្មភាពតាមកាលវិភាគ រាល់ព្រឹក នាងមិនភ្លេចផឹកទឹកក្តៅឧណ្ឌៗឡើយ ព្រោះជួយឲ្យខួរក្បាលមានស្មារតីល្អ និងជួយពង្រាបក្បាលពោះបានទៀតផង។ ប្រពន្ធរបស់ Huang Xiaoming ក៏ធ្លាប់និយាយថា ដោយសារនាងជាមនុស្សឆាប់ធាត់ នាងមិនផឹកទឹកទេមុនចូលគេង។
៤. ញ៉ាំអាហារ៣ពេលរាល់ថ្ងៃ ប៉ុន្តែត្រូវអនុវត្តតាមតិចនិកពិសេស
Angelababy បានផ្ដល់បទសម្ភាសថា នៅពេលព្រឹកនាងជ្រើសអាហារដែលល្អបំផុតសម្រាប់រាងកាយ ដូចជានំប៉័ងអាំងជាដើម។ ចំណែកថ្ងៃត្រង់ នាងញ៉ាំធម្មតាដូចជា សាច់ បន្លែ សម្រាប់ពេលល្ងាចវិញ ញ៉ាំតែបន្តិចប៉ុណ្ណោះដោយបន្ថែមផ្លែឈើដើម្បីដុតកម្លោចភាពធាត់។ ម្ដាយរបស់ Hai Mien បន្តថា បើសិនជាអ្នកចង់សម្រកទម្ងន់មែន អ្នកត្រូវតែកាត់បន្ថយអាហារ និងអនុវត្តឲ្យទៀងទាត់។ តារាភាពយន្តនិយាយថា ជាញឹកញាប់នាងតែងទៅហាត់ប្រាណដើម្បីពង្រាបសាច់ដុំពោះ និងទទួលបានជើងស្រឡូន។
ចុងបញ្ចប់ Angelababy ប្រាប់ថា គឺការតាំងចិត្តរបស់អ្នកជាកត្តាសំខាន់ក្នុងការជួយបញ្ចុះទម្ងន់បានជោគជ័យ ទទួលបានរាងស្លីមឆាប់ៗ និងរាងដែលអ្នកស្រមៃជាយូរមកហើយ៕
អានបន្ត៖ Zhao Li Ying កូន១មែនពិត តែវ៉ាដាច់ Liu Yi Fei តែម្ដងពេលថតក្នុងស៊ុមតែមួយ