ម៉ាស់ពេញនិយមមាន ២ ប្រភេទ មានតែមួយប្រភេទប៉ុណ្ណោះអាចការពារកម្ទេចធូលី
- 2020-01-17 09:52:25
- ចំនួនមតិ 0 | ចំនួនចែករំលែក 0
ម៉ាស់ពេញនិយមមាន ២ ប្រភេទ មានតែមួយប្រភេទប៉ុណ្ណោះអាចការពារកម្ទេចធូលី
ចន្លោះមិនឃើញ
ម៉ាស់សម្រាប់ពាក់មុខការពារធាតុអាកាស ខ្យល់ផ្សែងមិនល្អមានចែកចេញជាច្រើនប្រភេទ ហើយមានពីរប្រភេទដែលគេនិយមប្រើជាងគេ ៖
១. ម៉ាស់ពេទ្យ
ម៉ាស់ដែលពេទ្យនិយមពាក់មានដូចបង្ហាញក្នុងរូបភាពខាងលើ ដែលវាអាចការពារការខ្ទាតចេញនៃវត្ថុរាវចេញពីមាត់របស់អ្នកពាក់ ដូចជាទឹកមាត់ ទឹកច្រមុះ និងទប់ស្កាត់មិនឲ្យសារធាតុមេរោគឆ្លងទៅដល់អ្នកដទៃ។ ម៉ាស់នេះមិនមែនសម្រាប់ការពារអ្នកពាក់ពីបាក់តេរីក្នុងខ្យល់ មេរោគ និងកម្ទេចកំទីធូលីនោះទេ។
២. ឧបករណ៍ជំនួយដល់ការដកដង្ហើម
ឧបករណ៍ជំនួយដល់ការដកដង្ហើម គឺបង្កើតសម្រាប់ការពារអ្នកពាក់មិនឲ្យស្រូបយកនូវធូលីដែលបង្កគ្រោះថ្នាក់ ផ្សែង ចំហាយ ឬហ្គាស។ ឧបករណ៍នេះមានចែកចេញជាពីរប្រភេទទៀតគឺ
#ឧបករណ៍ដែលប្រើបានម្ដង ៖
ឧបករណ៍នេះវាមាននូវពាក្យ "NIOSH” ឬមានពាក្យ "N95” “N99” “N100” “R95” “R99” “R100” “P95” “P99” ឬ "P100” សរសេរនៅលើវា។
ចំពោះអក្សរខាងមុខគឺតំណាងឲ្យសមត្ថភាពធន់នឹងប្រេងដែល N មានន័យថាអាចជាប់ខ្លាញ់, R មានន័យថាធន់នឹងខ្លាញ់ ហើយ P មានន័យថាមិនជាប់ខ្លាញ់។ ចំណែកឯលេខវិញគឺតំណាងឲ្យសមត្ថភាពចម្រោះរបស់ឧបករណ៍គិតជា %។ ដូចជា "N95” មានន័យថាវាអាចទប់នឹងកម្ទេចធូលីបានយ៉ាងតិច ៩៥% ហើយមិនជាប់ខ្លាញ់នោះទេ។
#ឧបករណ៍ជំនួយដល់ការដកដង្ហើមដែលប្រើបានឡើងវិញ ៖
ឧទាហរណ៍នៃឧបករណ៍ប្រភេទនេះគឺដូចជាឧបករណ៍អ្នកពន្លត់អគ្គីភ័យប្រើ និងអ្នកដែលធ្វើការជាមួយវត្ថុធាតុគីមីគ្រោះថ្នាក់។ វាអាចជាប្រភេទគ្របពេញមួយមុខ ឬពាក់កណ្ដាលមុខ៕