កំពូលតារាសម្ដែងស្រីចិនជនជាតិភាគតិចទាំង៣ អ្នកណាលេចធ្លោជាងគេ?

2020-01-20 04:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គេមិនអាចបដិសេធបានទេថា សិល្បការិនីជនជាតិភាគតិចទាំង៣នាក់នេះ សុទ្ធតែមានសម្រស់ស្រស់ស្អាតមិនធម្មតា តែបើដាក់ថ្លឹងថ្លែង អ្នកណានឹងលេចធ្លោជាងគេ?

សុទ្ធតែកើតនៅតំបន់ Xinjiang ប្រទេសចិន និងជាជនជាតិភាគតិច Uyghurs ទាំងអស់ តារាសម្ដែងស្រី៣រូប រួមមាន Dilraba, Gulinaza និង Tong Liya ត្រូវបានគេចាត់ទុកថាជាតារាស្រីជនជាតិភាគតិចស្អាតជាងគេ តែទាក់ទងនឹងសមត្ថភាពវិញ អ្នកណាលេចធ្លោជាងគេ?

១. Dilraba Dilmurat

និយាយពីកេរ្តិ៍ឈ្មោះ អាចនិយាយបានថា កំពូលតារាសម្ដែងស្រី Yang Mi នាង Dilraba កំពុងនាំមុខគេ ដោយរឿងភាគដែលនាងសំដែងសុទ្ធតែមានចំនួនអ្នកទស្សនាខ្ពស់ទាំងអស់។ ក្រៅពីនេះ នាងក៏ជាអ្នកតំណាងឲ្យម៉ាកយីហោអន្តរជាតិច្រើនរាប់មិនអស់ផងដែរ។

២. Gulinaza

Naza ពិបាកគេចផុតពីការប្រៀបធៀបនឹង Dilraba ខ្លាំងណាស់ ដ្បិតមានអាយុស្មើគ្នា ហើយមកពីស្រុកតែមួយទៀត។ ខណៈ Dilraba មុខស្អាតដូចកាត់អឺរ៉ុបនោះ Naza ស្អាតបែបអាស៊ីវិញ។ សម្រាប់ស្រីស្អាត២៨ឆ្នាំរូបនេះ មិនទាន់មានស្នាដៃល្បីឈ្មោះនៅឡើយ ដោយនាងគ្រាន់តែឧស្សាហ៍ចូលរួមក្នុងកម្មវិធីកម្សាន្តប៉ុណ្ណោះ។

៣. Tong Liya

មានអាយុ៣៤ឆ្នាំ ពោលគឺចាស់ជាងគេក្នុងចំណោមតារាស្រីជនជាតិភាគតិចទាំងឡាយ តែ Tong Liya នៅតែរក្សាបានក្មេងវ័យជានិច្ច។ ទោះមិនល្បីកក្រើកដូចតារាជនជាតិភាគតិចជំនាន់ក្រោយក៏ដោយ តែស្រីស្អាតរូបនេះ នៅតែធ្វើឲ្យទស្សនិកជនចំណាំមុខដោយមានស្នាដៃជារឿយៗ៕