Samsung ចាត់តាំងប្រធានថ្មីឲ្យដឹកនាំជំនួញទូរសព្ទ

2020-01-21 02:16:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ជំនួញទូរសព្ទរបស់ Samsung គឺ Samsung Mobile នាពេលនេះមានប្រធានថ្មី ដែលមានឈ្មោះថា Roh Tae-moon ដោយចូលមកជំនួសតំណែងលោក DJ Koh ហើយលោក DJ Koh នៅកាន់កាប់តំណែងជាសហនាយកប្រតិបត្តិ។

លោក Roh គឺជាប្រធានក្រុមហ៊ុនវ័យក្មេងជាងគេក្នុងផ្នែក IT & Mobile Communications ដែលមានអាយុត្រឹម ៥១ ឆ្នាំ។ ប្រធានថ្មីនេះត្រូវបានជ្រើសតាំងសម្រាប់ប្រកួតប្រជែងនឹង Huawei និងការពង្រីកទីផ្សារស្មាតហ្វូនលើពិភពលោករបស់ខ្លួន។ គួរដឹងថាលោក Roh គឺជាបុគ្គលនៅពីក្រោយការចាប់កំណើតថ្មីនៃត្រកូល Galaxy A ដែលទទួលបានជោគជ័យខ្លាំងលើទីផ្សារលំដាប់មធ្យម និងបានជួយ Samsung ពីការថយចុះចំនួនលក់នៃទូរសព្ទលំដាប់មធ្យម។

លោក Roh បានបម្រើការជាបុគ្គលិកនៅក្រុមហ៊ុនបច្ចេកវិទ្យាយក្សកូរ៉េខាងត្បូងជិត ២០ ឆ្នាំ ហើយបើតាមសេចក្ដីថ្លែងការណ៍របស់ Samsung គឺលោកមានសមត្ថភាពក្នុងការដឹកនាំ Samsung Mobile ឲ្យរីកចម្រើនពេញទី។ គេរំពឹងថាលោកនឹងបង្ហាញខ្លួនជាសាធារណៈនៅថ្ងៃទី ១១ ខែកុម្ភៈ នៅពេលដែល Samsung Galaxy S20 ប្រកាសចេញ៕

ប្រភព៖ GSMarena ប្រែសម្រួល៖ សុខហេង