Apple រកប្រាក់ចំណេញបានច្រើនមិនធ្លាប់មានក្នុងប្រវត្តិសាស្ត្រ កាលចុងឆ្នាំ ២០១៩
- 2020-01-29 02:00:25
- ចំនួនមតិ 0 | ចំនួនចែករំលែក 0
Apple រកប្រាក់ចំណេញបានច្រើនមិនធ្លាប់មានក្នុងប្រវត្តិសាស្ត្រ កាលចុងឆ្នាំ ២០១៩
ចន្លោះមិនឃើញ
Apple បានប្រកាសអំពីប្រាក់ចំណូលដែលរកបានប្រចាំត្រីមាសទីបួនឆ្នាំ ២០១៩ ដែលត្រូវនឹងត្រីមាសទី ១ ឆ្នាំ ២០២០ សម្រាប់ Apple។ កន្លងទៅ Apple ព្យាករណ៍ថានឹងអាចរកចំណូលបានចន្លោះពី ៨៥,៥ ទៅ ៨៩,៥ ពាន់លានដុល្លារ។
លទ្ធផលជាក់ស្ដែងដែលក្រុមហ៊ុនបានប្រកាសនៅថ្ងៃនេះគឺប្រាក់ចំណូល ៩១,៨ ពាន់លានដុល្លារ ជាមួយប្រាក់ចំណេញ ២២,២ ពាន់លានដុល្លារ។ Apple និយាយថានេះគឺជាប្រាក់ចំណូល និងប្រាក់ចំណេញដ៏ខ្ពស់បំផុតមួយក្នុងប្រវត្តិសាស្ត្ររបស់ខ្លួន ដោយសារតម្រូវការខ្ពស់នៃ iPhone 11 និង iPhone 11 Pro រួមជាមួយការកើនឡើងនៃចំណូលខាងសេវាកម្ម។
Apple មិនប្រាប់អំពីតួលេខនៃ iPhone, iPad និង Mac ដែលបានលក់ចេញនោះទេ ប៉ុន្តែបានប្រាប់អំពីចំណូលនៃប្រភេទផលិតផលនីមួយៗដូចខាងក្រោម ៖
iPhone ៖ រកចំណូលបាន ៥៥,៩៦ ពាន់លានដុល្លារ
សេវាកម្ម ៖ រកចំណូលបាន ១២,៧២ ពាន់លានដុល្លារ
Mac ៖ រកចំណូលបាន ៧,១៦ ពាន់លានដុល្លារ
Wearables គ្រឿងបរិក្ខារប្រើក្នុងផ្ទះ និង Accessories ៖ រកចំណូលបាន ១០,១ ពាន់លានដុល្លារ
iPad ៖ រកចំណូលបាន ៥,៩៨ ពាន់លានដុល្លារ