Apple សម្រេចបិទហាងលក់រាយមួយកន្លែងនៅចិន
- 2020-01-29 02:32:37
- ចំនួនមតិ 0 | ចំនួនចែករំលែក 0
Apple សម្រេចបិទហាងលក់រាយមួយកន្លែងនៅចិន
ចន្លោះមិនឃើញ
នាយកប្រតិបត្តិ Apple លោក Tim Cook បាននិយាយនាថ្ងៃនេះថា ក្រុមហ៊ុនបានចាប់ផ្ដើមរឹតត្បិតការធ្វើដំណើររបស់បុគ្គលិកទៅកាន់ប្រទេសចិនកាលពីសប្ដាហ៍មុន ក្រោយមានផ្ទុះវីរុសកូរ៉ូណា ហើយក្រុមហ៊ុនថែមទាំងបានបិទហាងលក់រាយមួយកន្លែងនៅចិន និងកាត់បន្ថយម៉ោងប្រតិបត្តិសម្រាប់ហាងលក់រាយនៅទីតាំងដទៃផងដែរ។
ការប្រកាសនេះគឺជាភស្តុតាងបន្ថែមទៀតដែលថាវីរ៉ុសកូរ៉ូណា គឺប៉ះពាល់ដល់សហគ្រាសបច្ចេកវិទ្យា ក្នុងទីផ្សារសំខាន់ ទាំងការលក់ និងប្រតិបត្តិការផលិត។ មានក្រុមហ៊ុនបច្ចេកវិទ្យាដទៃទៀត រួមមាន Facebook និង LG ក៏រឹតត្បិតបុគ្គលិកការធ្វើដំណើររបស់បុគ្គលិកទៅកាន់ប្រទេសចិនផងដែរ។
ការប្រកាសរបស់លោក Tim Cook ធ្វើឡើងក្នុងកិច្ចប្រជុំអំពីចំណូលប្រចាំត្រីមាសទី ៤ ឆ្នាំ ២០១៩។ Apple និយាយថាចំនួនលក់នៅជុំវិញទីក្រុង Wuhan គឺមានចំនួនទាប ហើយការលក់រាយទូទាំងប្រទេសចិនក៏មានប៉ះពាល់ជាអវិជ្ជមានផងដែរ។
បន្ថែមពីនេះ Apple មានផ្ដល់នូវឧបករណ៍មើលថែដល់បុគ្គលិកនៅតំបន់ Wuhan ដោយតែងវាស់កម្ដៅបុគ្គលិកជាទៀងទាត់ដើម្បីស្វែងរករោគសញ្ញាផ្ដាសាយ និងក្ដៅខ្លួន ហើយលាងសម្អាតហាងលក់ និងការិយាល័យជាញឹកញាប់ផងដែរ៕