សាន សៅយ៉ាន់ សង្ឃឹមលើសិស្សខ្លួន៥០% និងបានប្រាប់ពីសមត្ថភាពដៃគូ សុខ រិទ្ធ ខ្លះៗ

2020-01-29 03:06:06
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់មកពីបន្ទាយមានជ័យ សាន សៅយ៉ាន់ ដាក់ក្ដីសង្ឃឹមលើ សុខ រិទ្ធ ៥០% ព្រោះថាការប្រកួតនេះប្លែកសម្រាប់សិស្សខ្លួន វ៉ៃផង បុកក្បាលផង ខណៈដែលវ៉ៃទៀតសោតគឺរុំអំបោះដូចវ៉ៃដោយដៃទទេ។

កីឡាករ សុខ រិទ្ធ

លោក សាន់ សៅយ៉ាន់ បានឲ្យដឹងថា ចំពោះការហ្វឹកហាត់របស់ សុខ រិទ្ធ គឺបានប្រហែល ៨០% សម្រាប់ការត្រៀមខ្លួនប្រកួតនៅមីយ៉ាន់ម៉ា នេះ។ ប៉ុន្តែកូនសិស្សរបស់ខ្លួនមានបញ្ហាសុខភាពបន្តិចបន្តួចគឺផ្ដាសាយ ដូច្នេះហើយកម្លាំងមិនសូវពេញនោះទេ។

សាន សៅយ៉ាន់ ឲ្យទឹក សុខ រិទ្ធ

គ្រូប្រដាល់មកពីបន្ទាយមានជ័យខាងលើនេះបន្តប្រាប់ទៀតថា បើនិយាយពីសមត្ថភាពវិញទាំង សុខ រិទ្ធ និងកីឡាករមីយ៉ាន់ម៉ា គឺប្រហាក់ប្រហែលគ្នា ហើយបើតាមមើលវីដេអូប្រកួតកីឡាករម្ចាស់ផ្ទះល្អកែង និងស៊ូធនមិនងាយទៅ។ យ៉ាងណាមុនការប្រកួតសង្ឃឹមត្រឹម ៥០% ៥០% ព្រោះទីមួយសិស្សរបស់ខ្លួនមិនធ្លាប់វ៉ៃបែបនេះ ទី២ ទឹកដីគេ មិនដឹងថាខាងម្ចាស់ផ្ទះរៀបចំអ្វីខ្លះ។

កម្មវិធីប្រកួតនៅយ៉ាន់ម៉ា

រំលឹកដែរថា លោក សាន សៅយ៉ាន់ រួមនិងលោក ហ៊ុន ច័ន្ទរាជ្យ សុខ រិទ្ធ ឯម សុធី បានទៅដល់មីយ៉ាន់ម៉ា តាំងពីយប់មិញនេះ។ អ្នកប្រដាល់ទាំងពីរនាក់នេះនឹងត្រូវប្រកួតមិត្តភាពក្នុងកម្មវិធី WLC នៅថ្ងៃទី៣១ ខែមករា ឆ្នាំ២០២០ វេលាម៉ោង ៥កន្លះនៅមីយ៉ាន់ម៉ា៕

អត្ថបទ៖ នួន ស៊ីណា