Eriksen ចេញម្សិលមិញ ថ្ងៃនេះ Spurs ទិញកីឡាករថ្មីមួយរូប
- 2020-01-29 10:57:37
- ចំនួនមតិ 0 | ចំនួនចែករំលែក 0
Eriksen ចេញម្សិលមិញ ថ្ងៃនេះ Spurs ទិញកីឡាករថ្មីមួយរូប
ចន្លោះមិនឃើញ
ក្លឹប Tottenham Hotspur បានប្រកាសកាលពីពេលអម្បាញ់មិញនេះថា ខ្លួនបាននាំចូលកីឡាករថ្មីមួយរូប ដោយកីឡាកររូបនោះមកពីក្លឹបហុល្លង់ PSV Eindhoven។
កីឡាកររូបនេះមានឈ្មោះថា Steven Bergwijn ដែលមានតួនាទីជាខ្សែស្លាប។ បើតាមសេចក្ដីប្រកាសជាផ្លូវការរបស់ក្លឹបបានឲ្យដឹងថា កីឡាកររូបនេះបានព្រមព្រៀងចុះកុងត្រារយៈពេល ៥ឆ្នាំ ដែលមានសុពលភាពរហូតដល់ឆ្នាំ២០២៥។
ខាងក្លឹបមិនទាន់បានប្រកាសពីតម្លៃក្នុងការផ្ទេរចូលកីឡាកររូបនេះជាផ្លូវការទេ ប៉ុន្តែបើយោងតាមសារព័ត៌មាន Sky Sports បានឲ្យដឹងថា ក្លឹបអង់គ្លេសនេះចំណាយទឹកប្រាក់ចំនួន ៣៣លានដុល្លារ។
គួរបញ្ជាក់ផងដែរថា កីឡាករហុល្លង់វ័យ ២២ឆ្នាំរូបនេះបានបង្ហាញខ្លួនឲ្យ PSV បាន១៤៦ប្រកួត ហើយរកគ្រាប់បាល់បាន ៣១ដង ចាប់តាំងពីប្រកបអាជីពនៅឆ្នាំ២០១៤/១៥មក៕