លេចរឿងកីឡាករ Bayern Munich វាយគ្នា អំឡុងពេលហ្វឹកហាត់
- 2020-01-30 06:52:48
- ចំនួនមតិ 0 | ចំនួនចែករំលែក 0
លេចរឿងកីឡាករ Bayern Munich វាយគ្នា អំឡុងពេលហ្វឹកហាត់
ចន្លោះមិនឃើញ
រឿងចម្រូងចម្រាសបានកើតឡើងក្នុងក្លឹប Bayern Munich បន្ទាប់ពីលេចរូបភាពលើបណ្ដាញសង្គមពីសកម្មភាព Jerome Boateng ទះ Leon Goretzka កណ្ដាលមុខអំឡុងហ្វឹកហាត់។
តាមប្រភពឲ្យដឹងថា ដំបូងឡើយ Goretzka កើតរឿងខឹង បន្ទាប់ពីឈ្លោះប្រកែកជាមួយ Thomas Muller លើការសម្រេចឲ្យបាល់ប៉េណាល់ទីពេលហ្វឹកហាត់តារាងធំ។ ភ្លាមនោះ Boateng បានចូលទៅការពារ Muller។ ប៉ុន្តែ១០នាទីក្រោយ អំឡុងពេលចូលហាត់តារាងតូច Goretzka បានលេងកាចទៅលើ Boateng។
មើលឃើញពីការលេងមិនសមរម្យ Boateng បានដើរទៅទះ Goretzka មួយដៃចំមុខ។ បន្ទាប់មក Robert Lewandowski បានចូលទៅធ្វើអន្តរាគមន៍ ខណៈអ្នកចាត់ការ Hans Flick ក៏បានសម្របសម្រួលកីឡាករទាំងពីរដូចគ្នា។
ក្រោយពីមានការចរចាគ្នារួច Boateng និង Goretzka ក៏បានត្រូវគ្នាវិញ។ ជាពិសេសបានបង្ហោះរូបជាមួយលើបណ្ដាញសង្គមដើម្បីបង្ហាញពីមិត្តភាពជាមួយគ្នាវិញ៕