នេះជាលើកដំបូង Google ប្រាប់ពីចំណូលដែល YouTube រកបាន
- 2020-02-04 01:38:22
- ចំនួនមតិ 0 | ចំនួនចែករំលែក 0
នេះជាលើកដំបូង Google ប្រាប់ពីចំណូលដែល YouTube រកបាន
ចន្លោះមិនឃើញ
ក្នុងរយៈពេល ៣ ខែចុងក្រោយនៃឆ្នាំ ២០១៩ បណ្ដាញ YouTube អាចរកប្រាក់ចំណូលបានជិត ៥ ពាន់លានដុល្លារ ពីការផ្សព្វផ្សាយពាណិជ្ជកម្ម។ នេះបើតាមការបង្ហាញរបស់ Alphabet ដែលជាក្រុមហ៊ុនមេរបស់ Google ដែលមានបង្ហាញក្នុងរបាយការណ៍ចំណូលប្រចាំត្រីមាសទី ៤។
នេះគឺជាការប្រកាសលើកដំបូងបំផុត ក្នុងប្រវត្តិសាស្ត្ររយៈពេល ១៥ ឆ្នាំ ដែល YouTube ស្ថិតក្រោមការកាន់កាប់របស់ Google ចាប់តាំងពីពេលដែល Google ទិញវិបសាយនេះក្នុងឆ្នាំ ២០០៦ ជាមួយទំហំទឹកប្រាក់ ១,៦៥ ពាន់លានដុល្លារ។
គិតពេញមួយឆ្នាំ ២០១៩ ក្រុមហ៊ុន Google និយាយថា YouTube រកចំណូលបាន ១៥ ពាន់លានដុល្លារ ដែលស្មើនឹងប្រមាណ ១០% នៃចំណូល Google ទាំងអស់។
ក្រៅពីនេះ YouTube ក៏មានអ្នកចុះឈ្មោះជាង ២០ លាននាក់ លើសេវាកម្ម Premium (YouTube ដែលគ្មានវីដេអូពាណិជ្ជកម្ម) និងសេវាកម្មសេវាកម្ម Music Premium រួមទាំងមានអ្នកចុះឈ្មោះជាង ២ លាននាក់ សម្រាប់សេវាកម្មទូរទស្សន៍ផងដែរ។ Alphabet និយាយថាចំណូលពីផលិតផលទាំងនោះ បានដាក់បញ្ចូលក្នុងផ្នែក "Other” ដែលរកចំណូលបាន ៥,៣ ពាន់លានដុល្លារ នៅត្រីមាសទី ៤ ឆ្នាំ ២០១៩ ហើយក្នុងនោះមានរាប់បញ្ចូល Hardware ដូចជាទូរសព្ទ Pixel និង Speaker Google Home។ ដូចនេះគេមិនអាចដឹងច្បាស់ពីចំណូលជាក់លាក់នៃផលិតផលនីមួយៗនោះទេ៕