Google ឆ្លើយតបនឹងបុរសម្នាក់ដែលបោក Google Maps បានសម្រេច
- 2020-02-05 04:06:09
- ចំនួនមតិ 0 | ចំនួនចែករំលែក 0
Google ឆ្លើយតបនឹងបុរសម្នាក់ដែលបោក Google Maps បានសម្រេច
ចន្លោះមិនឃើញ
កាលពីថ្ងៃចន្ទ បុរសម្នាក់ដែលមានគណនី YouTube ឈ្មោះ Simon Weckert បានល្បីឈ្មោះលើសារព័ត៌មានបច្ចេកវិទ្យាមួយចំនួន បន្ទាប់ពីបានបង្ហោះវីដេអូមួយដែលបង្ហាញអំពីការ Hack កម្មវិធី Google Maps ដើម្បីបង្កើតនូវការកកស្ទះចរាចរណ៍ក្លែងក្លាយលើដងផ្លូវនៃទីក្រុងប៊ែរឡាំង។
ចុចអាន ៖ បុរសម្នាក់ ប្រើទូរសព្ទ ៩៩គ្រឿង អាចបោក Google បានសម្រេច (វីដេអូ)
សកម្មភាពរបស់បុរសរូបនេះ អាចទាក់ទាញការចាប់អារម្មណ៍មនុស្សជាច្រើន ដោយគេអាចដឹងអំពីដំណើរការរបស់ Google Maps ដែលគេមិនធ្លាប់ដឹងពីមុនមក។ Google ឯណោះវិញ ក៏មានការឆ្លើយតបចំពោះការ Hack កម្មវិធី Google Maps នេះដែរ។
Google បានឆ្លើយតបដូចនេះថា ៖ "មិនថាតាមរយៈរថយន្ត រទេះរុញ ឬសត្វអូដ្ឋនោះទេ យើងពេញចិត្តដែលបានឃើញការប្រើប្រាស់ Google Maps ពោរពេញដោយភាពច្នៃប្រឌិត ដោយវាអាចជួយយើងធ្វើឲ្យ Maps មានដំណើរការកាន់តែល្អប្រសើរជាងមុន។”
ក្រុមហ៊ុនបានធ្វើការបញ្ជាក់ជាថ្មីនូវការតាំងចិត្តធ្វើឲ្យ Google Maps មានភាពសុក្រឹតតាមដែលអាចទៅរួច។ Google ក៏បានប្រាប់ដែរថានៅតំបន់ខ្លះលើពិភពលោក ខ្លួនអាចធ្វើការបែងចែករវាងរថយន្ត និងម៉ូតូបាន ប៉ុន្តែមិនទាន់មានរូបមន្តដើម្បីសម្គាល់អំពីរទេះរុញនៅឡើយទេ៕