ក្រោយជេរស្វាមីផ្អើលហ្វេសប៊ុក តារាចម្រៀង ម៉ូលីកា ប្រកាសពីការត្រូវរ៉ូវគ្នាវិញ
- 2020-02-05 10:14:08
- ចំនួនមតិ 0 | ចំនួនចែករំលែក 0
ក្រោយជេរស្វាមីផ្អើលហ្វេសប៊ុក តារាចម្រៀង ម៉ូលីកា ប្រកាសពីការត្រូវរ៉ូវគ្នាវិញ
ចន្លោះមិនឃើញ
អតីតតារាចម្រៀងផលិតកម្ម រ៉ក់ ត្រូវបានគេឃើញមានជម្លោះស្រួចស្រាល់ជាមួយស្វាមី ដោយមានទាំងពីរការបង្ហោះសារជេរប្រមាថស្វាមីកប់ៗមាត់ផងកាលពីប៉ុន្មានថ្ងៃមុននោះ ឥឡូវនេះ បានប្រកាសពួកនាងបានសម្រេចចិត្តត្រូវគ្នាវិញហើយ។
ម៉ូលីកា ដែលទើបទទួលពានThe Beauty Net Idol Award 2019 បញ្ជាក់រឿងនេះនៅលើហ្វេសប៊ុក កន្លែងតែមួយដែលនាងបានឲ្យប្រិយមិត្តដឹងពីការជម្លោះក្នុងគ្រួសាររបស់នាង ដោយនាងបានបញ្ជាក់ថា ពួកនាងសម្រេចចិត្តត្រូវគ្នាវិញ ដោយយោងលើអនុស្សាវរីយកម្សត់កម្រកន្លងមក។
ម៉ូលីកា ថ្លែងថា"ពួកខ្ញុំខំចាប់ដៃគ្នាតស៊ូ តាំងពីរបាតដៃទទេ មកដល់ឥលូវមានអ្វីគ្រប់យ៉ាងដែលពួកខ្ញុំនឹកស្មានមិនដល់ កំហុសតូចធំ ពួកខ្ញុំត្រូវចេះអត់អោនលើកលែងអោយគ្នាទៅវិញទៅមក មិនអីចឹង!”។ ប្រិយមិត្តដែលស្គាល់ នាងបានចូលរួមអបអរក្រោយឃើញការវិលមកជួបជុំគ្នារបស់គូស្វាមីភរិយាតារាចម្រៀងរូបនេះ។
នៅមុននេះបន្តិច ម៉ូលីកា បានបង្ហោះសារនៅលើហ្វេសប៊ុកនាង ដោយធ្វើការប្រមាថស្វាមីដោយពាក្យអសុរោះមួយចំនួន។ សារនោះ គឺផ្អែកលើហេតុផល ដែលស្វាមីរបស់នាងបានដើរចោលនាងឲ្យនៅម្នាក់ឯង ខណៈនាងកំពុងពពោះ ពោលគឺស្វាមីរបស់នាង បានចេញទៅពីផ្ទះទៅចូលរួមមង្គលការគេ រហូតដល់ហួសម៉ោងទៅហើយ មិនឃើញត្រឡប់មកផ្ទះទៀត។ ខឹងនឹងរឿងនេះ នាងបានបង្ហោះសារជេរប្រមាថតែម្ដង ដោយមានទាំងប្រើពាក្យ "អាឆ្កែ" ថែមទៀត។
យ៉ាងណាគេមិនដឹងថា មានរឿងអ្វីផ្សេងពីក្រោយករណីខាងលើនេះទៀតឬអត់ទេ ព្រោះគេឃើញ ម៉ូលីកា ខឹងខ្លាំងនឹងស្វាមី។ ទោះយ៉ាងនេះក្ដី នៅពេលនេះ តារាស្រី បានប្រកាសពីការជួបជុំជានានឹងគ្នាវិញ ហើយត្រូវបានប្រិយមិត្តជាច្រើនសាទរ ព្រោះតែពួកគេមិនចង់ឃើញគំរូនៃការបាក់បែកក្នុងសង្គមគ្រួសារ បើទោះជាគ្រួសារតារា ឬក៏គ្រួសារសាមញ្ញជនក៏ដោយ។
ម៉ូលីកា បានបន្ថែមពីលើសំណេរខាងលើដោយទទួលថា មិនថានាង ឬនរណាក៏មិនល្អគ្រប់ដប់ដែរ គិតដល់ចំណុចនេះ ទើបនាងសម្រេចជានានឹងគ្នាវិញ។ ប៉ុន្តែថា ការត្រូវរ៉ូវគ្នាវិញរវាង និងស្វាមី អតីតតារាចម្រៀង អាចនឹងមានអ្នកខកចិត្តព្រោះតែពួកគេចង់ឃើញការបាក់បែករបស់ពួកនាង។
តារាស្រី ដែលវិវត្តមកជាធុរជនរូបនេះ ថ្លែងថា "មនុស្សណាដែលល្អគ្រប់ដប់...ពួកតែស្ករដែលឃើញខ្ញុំត្រូវគ្នាវិញហើយមិនពេញចិត្ត និងប្ដីប្រពន្ធខ្ញុំត្រូវគ្នាវិញ និងប្រហែលខកចិត្តព្រោះតែចង់ឃើញខ្ងុំលែងគ្នាមែនទែន ធ្វើចឹងដើម្បីអី ?ច្រណែន?”៕