YouTube រកបាន ១៥ ពាន់លានដុល្លារ តែនៅចាញ់ Instagram របស់ Facebook ទេ

2020-02-06 04:27:42
ចំនួនមតិ 0 | ចំនួនចែករំលែក 0

ចន្លោះមិនឃើញ

YouTube កាលពីឆ្នាំ ២០១៩ កន្លងទៅ រកបានចំណូលសរុបប្រមាណ ១៥ ពាន់លានដុល្លារអាមេរិក ដែលស្មើនឹង ១០ ភាគរយនៃចំណូលរួមរបស់ក្រុមហ៊ុន Google។

តួលេខចំណូលនេះសោតពុំបានយកឈ្នះលើសម្ព័ន្ធក្រុមហ៊ុន Facebook បណ្តាញសង្គម Instagram នោះទេ ដោយបណ្តាញសង្គមប្រមូលផ្តុំការបង្ហោះរូបភាពនិងវីដេអូមួយនេះកើបចំណូលបានដល់ ២០ ពាន់លានដុល្លារឯណោះនៅឆ្នាំ ២០១៩ ដែលស្មើប្រហែល ១ ភាគ ៤ នៃចំណូលរួមរបស់ Facebook។

គួរបញ្ជាក់ថា Faceebook បានចាយ ១ ពាន់លានដុល្លារទិញយក Instagram កាលពីឆ្នាំ ២០១២ ហើយវាពិតជារឿងភ្ញាក់ផ្អើលដែលរយៈពេលត្រឹមជាង ៨ ឆ្នាំ តម្លៃបណ្តាញសង្គម Instagram មានការកើនឡើង ១ ទ្វេជា ១០ ឯណោះ។

យ៉ាងណាមិញបើតាមការព្យាករណ៍របស់ Bloomberg បានឲ្យដឹងថាតម្លៃនៃ Instagram នឹងកើនដល់ ១០០ ពាន់លានដុល្លារនាថ្ងៃអនាគត ហើយនៅឆ្នាំ ២០២០ នេះ នឹងមានការកើនឡើងខ្ពស់បំផុត៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា