និស្សិតខ្មែរវ័យក្មេង តស៊ូប្រកួតរាប់ខែ រហូតបានទៅកាន់សិង្ហបុរី ហើយឈ្នះប្រាក់រាប់ពាន់ដុល្លារ
- 2020-02-07 09:53:41
- ចំនួនមតិ 0 | ចំនួនចែករំលែក 0
និស្សិតខ្មែរវ័យក្មេង តស៊ូប្រកួតរាប់ខែ រហូតបានទៅកាន់សិង្ហបុរី ហើយឈ្នះប្រាក់រាប់ពាន់ដុល្លារ
ចន្លោះមិនឃើញ
កម្មវិធីអ្នកច្នៃប្រឌិតវ័យក្មេង SmartStart រដូវកាលទី៣បានជ្រើសរើសម្ចាស់ជយលាភី សម្រាប់រង្វាន់ដំណើរទស្សនកិច្ចបច្ចេកវិទ្យាទៅប្រទេសសិង្ហបុរី នៅ Impact Hub Phnom Penh កាលពីថ្ងៃទី ៧ ខែកុម្ភៈ ឆ្នាំ២០២០។
ក្រុមនិស្សិតជាច្រើន បានដាក់ពាក្យចូលរួមប្រកួតកម្មវិធីនេះ ហើយខំតស៊ូប្រឹងប្រែងអស់រយៈពេល ៦ខែទម្រាំរកឃើញជយលាភី។ នៅក្នុងវគ្គផ្ដាច់ព្រ័ត្រគណៈកម្មការវិនិច្ឆ័យ បានជ្រើសរើសក្រុម STYLE ជាម្ចាស់ជយលាភី។ STYLE បានផ្ដល់ឲ្យអ្នកប្រើប្រាស់នូវឱកាសផ្សេងៗក្នុងការជួលអាវធំ រ៉ូប និងឈុតសំលៀកបំពាក់ប្រពៃណីសម្រាប់ពិធីពិសេសៗ របស់ពួកគេ។
ក្រុមជយលាភីទទួលបានប្រាក់ឧបត្ថម្ភទាំងស្រុងក្នុងដំណើរទស្សនកិច្ចបច្ចេកវិទ្យានេះ។ ដើម្បីធ្វើទស្សនកិច្ចនៅទីស្នាក់ការកណ្ដាលក្នុងក្រុមហ៊ុនបច្ចេកវិទ្យាធំៗដូចជា Facebook Google Microsoft និង LinkedIn នៅប្រទេសសិង្ហបុរី ។
កញ្ញា **សូ សម្ផស្ស**ពីក្រុម Style បានប្រាប់ថា នាងមានក្ដីរំភើបយ៉ាងខ្លាំង ចំពោះដំណើរទស្សនកិច្ចនេះ ហើយក៏បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុន Smart និង Impact Hub Phnom Penh ដែលជាដៃគូរក្នុងការបង្កើតកម្មវិធីនេះឡើងមក។
បន្ទាប់ពីការប្រកួតវគ្គផ្ដាច់ព្រ័ត្រនាខែមិថុនា ឆ្នាំ២០១៩មក ក្រុមឆ្នើមចំនួន ៥ក្រុម ទទួលបានទឹកប្រាក់ចំនួន ៥,០០០ ដុល្លារសហរដ្ឋអាមេរិក រួមជាមួយនឹងឱកាសចូលរួមកម្មវិធីបណ្ដុះបណ្ដាលផ្នែកអាជីវកម្មដែលមានរយៈពេល៦ខែជាមួយ Impact Hub Phnom Penh ដើម្បីជំរុញគំនិតរបស់ពួកគេ និងពង្រីកអាជីវកម្មបច្ចេកវិទ្យាទើបបង្កើតថ្មីបន្ថែមទៀត។
ក្រុមចំនួន ៤ ផ្សេងទៀតដែលបានចូលរួមក្នុងវគ្គផ្ដាច់ព្រាត់រួមមាន៖
១. RENTECH. ជាកម្មវិធីជួយអ្នកប្រើប្រាស់ជួលកន្លែងស្នាក់នៅជាពិសេសអ្នកដែលមកពីខេត្តនានាដែលមកទីក្រុងចម្បងៗសម្រាប់ការសិក្សាថ្នាក់ឧត្ដម។
២ Sers Chborng. ជាកម្មវិធីផ្ដល់ការគាំទ្រដល់សិស្សដែលចង់ដាក់ពាក្យអាហារូបករណ៍ និង កម្មវិធីផ្លាស់ប្ដូរការសិក្សា និង ការចូលរួមការប្រកួតប្រជែងផ្សេងៗ។
៣ PhumCAKE ជាកម្មវិធីផ្ដល់ឲ្យអ្នកគ្រប់គ្នារចនារូបរាង រសជាតិ និង ពណ៌នំខេកសម្រាប់ឱកាសពិសេស ផ្សេងៗ។
៤. SpeakOut ជាកម្មវិធីជួយអ្នកដែលកំពុងប្រឈមមុខនឹងជំងឺបាក់ទឹកចិត្តតាមរយៈបណ្ដាញទំនាក់ទំនងអនាមិក ព័ត៌មានការយល់ដឹង និង ភ្ជាប់ពួកគេជាមួយពេទ្យចិត្តសាស្ត្រដ៏ជំនាញ។
នេះជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុន Smart ដើម្បីលើកកម្ពស់សហគ្រិនភាព និងការច្នៃប្រឌិត។ ពាក្យសុំសម្រាប់វគ្គបន្ទាប់នៃកម្មវិធី SmartStart នឹងចាប់ផ្ដើមនៅខែមេសា ឆ្នាំ ២០២០ខាងមុខនេះ។
សម្រាប់ព័ត៌មានបន្ថែម និងព័ត៌មានថ្មីៗពីកម្មវិធី SmartStart, សូមចូលទៅកាន់ទំព័រហ្វេសប៊ុករបស់ «Smart for Cambodia» តាមរយៈ www.facebook.com/SmartForCambodia ឬចូលទៅកាន់គេហទំព័រ https://www.smartedu.com.kh ។