Philippe Coutinho ថា Liverpool ជោគជ័យខ្លាំងមិនបានធ្វើឱ្យខ្លួនភ្ញាក់ផ្អើលទេ
- 2020-02-12 03:00:00
- ចំនួនមតិ 0 | ចំនួនចែករំលែក 0
Philippe Coutinho ថា Liverpool ជោគជ័យខ្លាំងមិនបានធ្វើឱ្យខ្លួនភ្ញាក់ផ្អើលទេ
ចន្លោះមិនឃើញ
ខ្សែប្រយុទ្ធដំបូលទូកបាននិយាយថា ថ្វីបច្ចុប្បន្ន Liverpool កំពុងជោគជ័យខ្លាំង ប៉ុន្តែក្រុមហង្សក្រហម មិនបានធ្វើឱ្យរូបគេភ្ញាក់ផ្អើលឡើយ ហើយជម្រើសជាតិប្រេស៊ីលរូបនេះ ក៏មិនស្ដាយដែរក្នុងការចាកចេញពីទឹកដី Anfield ទៅកាន់ក្លិបយក្សអេស្ប៉ាញ Barcelona។
“Liverpool ជោគជ័យ មិនធ្វើឱ្យខ្ញុំភ្ញាក់ផ្អើលឡើយ។ យើងបានឃើញរួចហើយកាលពីឆ្នាំទៅ ពេលពួកគេលើកពាន Champions League ប៉ុន្តែខ្ញុំក៏មិនភ្ញាក់ផ្អើលចំពោះ ក្រុម និងអ្នកគ្រប់ដ៏អស្ចារ្យរបស់គេឡើយ"។ Coutinho ប្រាប់ទៅ Sports Illustrated។
យ៉ាងណាខ្សែប្រយុទ្ធរូបនេះ បានបង្ហាញសប្បាយចិត្តសម្រាប់ Liverpool រួមទាំងមិត្តភ័ក្ដិ និងអតីតមិត្តរួមក្រុមទាំងអស់។ កីឡាករកម្ពស់មិនសូវបាន បានឱ្យដឹងទៀត រូបគេនឹងមិនថយក្រោយឡើយ គឺមើលទៅមុខជានិច្ច។
ដៃគូជម្រើសជាតិប្រេស៊ីលដ៏ល្អរបស់ Firmino និង Neymar បន្ថែមយ៉ាងដូច្នេះ ៖“ខ្ញុំមិនមើលទៅក្រោយវិញទេ ខ្ញុំត្រូវដើរផ្លូវផ្សេង ហើយឥឡូវខ្ញុំស្ថិតនៅដំណើរផ្សេងទៀត ដូចមនុស្សគ្រប់គ្នាដែរ។ ខ្ញុំផ្តោតអារម្មណ៍ទាំងស្រុងដូចអ្វីដែលពួកគេបានធ្វើ ដើម្បីសម្រេចសុបិនរបស់ខ្ញុំ។ ខ្ញុំសប្បាយចិត្តនឹងអ្វីដែលខ្ញុំបានធ្វើកាលពីមុន ហើយឥឡូវនេះខ្ញុំកំពុងទន្ទឹងរង់ចាំ (ក្ដីស្រមៃ)។"
ខ្សែប្រយុទ្ធ២៧ឆ្នាំបានចាកចេញពី The Red ទៅកាន់ Camp Nou ក្នុងឆ្នាំ ២០១៨ ក្នុងតម្លៃខ្លួន ១៧២ លានដុល្លារ។ ក្រោយពិបាកក្នុងការជាប់ជម្រើស១១នាក់ដំបូង កីឡាកររូបនេះ ត្រូវក្លិបអ្នកមានបុណ្យឱ្យ Bayern Munich ខ្ចីជើង ជាមួយជម្រើសទិញផ្ដាច់ក្នុងតម្លៃ ១០០លានផោន បន្ទាប់ពីចប់រដូវកាល។
ដោយឡែកថ្មីៗនេះក្លិបហង្សក្រហម Liverpool បានបង្ហើបឱ្យដឹង ក្លិបចង់បាន Philippe Coutinho មកវិញ ប៉ុន្តែទាល់តែជម្រើសទីមួយក្នុងការទិញខ្សែបម្រើនាំលេងអាល្លឺម៉ង់ Kai Havertz របស់ Bayer Leverkusen បរាជ័យសិន៕