មិនធម្មតា! ចិនផលិតបានម៉ាស៊ីនថ្មី អាចសម្លាប់មេរោគត្រឹម ២០វិនាទី (មានវីដេអូ)

2020-02-13 03:48:20
ចំនួនមតិ 0 | ចំនួនចែករំលែក 0

ចន្លោះមិនឃើញ

សេវាកម្មព័ត៌មានចិន បានធ្វើរបាយការណ៍ថាក្រុមហ៊ុនមួយក្នុងទីក្រុង Chongqing ប្រទេសចិន សម្រេចផលិតបានម៉ាស៊ីនចំនួនពីរដែលអាចសម្លាប់មេរោគត្រឹមពេល ២០វិនាទីប៉ុណ្ណោះកាលពីថ្ងៃពុធកន្លងទៅ។

យោងតាមសារព័ត៌មានចិន ឲ្យដឹងទៀតថា ម៉ាស៊ីននេះ នឹងត្រូវប្រើប្រាស់ដោយបុគ្គលិកត្រូវដើរឆ្លងកាត់ប្រព័ន្ធរបស់វា ហើយបាញ់សម្លាប់មេរោគមុនពេលពួកគេចាប់ផ្ដើមចូលធ្វើការ។ នៅក្នុងប្រព័ន្ធម៉ាស៊ីននេះ ត្រូវបានបំពាក់ដោយឧបករណ៍រាវរកអ៊ីនហ្វ្រារ៉េដដែលបាញ់ថ្នាំនៅពេលមនុស្សដើរចូល ហើយអាចចំណាយពេល ១០ ទៅ ២០ វិនាទីប៉ុណ្ណោះដើម្បីបាញ់សម្លាប់មេរោគពីមនុស្សម្នាក់។ យោងតាមអ្នកគ្រប់គ្រងក្រុមហ៊ុនឲ្យដឹងថា ម៉ាស៊ីនទាំងពីរនេះ អាចបំពេញតម្រូវការរបស់មនុស្សយ៉ាងហោចណាស់ ១ ០០០នាក់។

គួរឲ្យដឹងថា ម៉ាស៊ីនសម្លាប់មេរោគនេះ ត្រូវបានផលិតឡើងក្រោយពេលដែលកូរ៉ូណាវីរុសផ្ទុះឡើងក្នុងទីក្រុង Wuhan ហើយរាលដាលពាសពេញប្រទេសដែលបណ្ដាលឲ្យមនុស្សស្លាប់យ៉ាងហោច ១ ៣០០នាក់បើគិតមកត្រឹមពេលនេះ៕