Tiger Street Football 2020 បង្ហាញខ្លួននៅកំពត លើកទី១ នឹងធ្វើឲ្យអ្នកគាំទ្រភ្លេចមិនបាន
- 2020-02-13 07:11:28
- ចំនួនមតិ 0 | ចំនួនចែករំលែក 0
Tiger Street Football 2020 បង្ហាញខ្លួននៅកំពត លើកទី១ នឹងធ្វើឲ្យអ្នកគាំទ្រភ្លេចមិនបាន
ចន្លោះមិនឃើញ
ព្រឹត្តិការណ៍កីឡាបាល់ទាត់ Tiger Street Football 2020 បានធ្វើដំណើរដល់មណ្ឌលទី៦ នៅឯខេត្តកំពតហើយនៅថ្ងៃទី១៥ ដល់ ១៦ ខែកុម្ភៈ ២០២០ នេះដើម្បីជ្រើសរើសយកក្រុមខ្លាំងចំនួន ៦ បានឡើងមកវគ្គផ្ដាច់ព្រ័ត្រឯរាជធានីភ្នំពេញ។
ការបង្ហាញខ្លួនលើកទី១ នៅមណ្ឌលខេត្តកំពតនាចុងសប្ដាហ៍នេះ គឺជាការជំរុញទឹកចិត្តអ្នកនៅក្នុងខេត្តផ្ទាល់ដែលស្រឡាញ់បាល់ទាត់ឲ្យខំប្រឹងប្រែងរកជ័យជម្នះសម្រាប់ខេត្តរបស់ខ្លួន។ នេះជាការផ្ដល់ឱកាសដល់យុវជនដែលមានក្ដីស្រមៃចង់ក្លាយជាកីឡាករល្បីឈ្មោះ និងគ្រងពានរង្វាន់ Tiger Street Football 2020 ទូទាំងប្រទេសអមដោយទឹកប្រាក់យ៉ាងសន្ធឹកសន្ធាប់។
ក្រៅតែពីការប្រកួតក៏ស្វិតស្វាញ និងអស្ចារ្យហើយនោះ នៅពេលរាត្រីក៏មានជាការប្រគំតន្ត្រីដែលមានសុទ្ធតែតារាងចម្រៀងដែលមានទឹកដមសំនៀងពីរោះ និងកំពុងតែល្បីឈ្មោះនៅកម្ពុជា។ ចំណុចពិសេសៗទាំងនេះហើយ ដែលនឹងធ្វើឲ្យប្រជាពលរដ្ឋនៅខេត្តកំពតរីករាយទស្សនាដោយខានមិនបាន។
ជយលាភីមណ្ឌលខេត្តកំពតនេះនឹងទទួលបានប្រាក់រង្វាន់៖
ក្រុមឈ្នះលេខ១ ទទួលបានប្រាក់រង្វាន់ ១ ៥០០ដុល្លារ
ក្រុមឈ្នះលេខ២ ទទួលបានប្រាក់រង្វាន់ ១ ០០០ដុល្លារ
ក្រុមឈ្នះលេខ៣ ទទួលបានប្រាក់រង្វាន់ ៥០០ដុល្លារ
ក្រុមឈ្នះលេខ៤ ទទួលបានប្រាក់រង្វាន់ ២០០ដុល្លារ
សម្រាប់មណ្ឌលទី៦ នេះគឺខេត្តដែលអាចចូលរួមបានរួមមាន ព្រះសីហនុ កំពត កែប និងខេត្តកោះកុង៕