មិនខ្វល់ពីវីរុសកូរ៉ូណា ផ្សារឥណ្ឌូនេស៊ីនៅតែដាក់លក់ប្រចៀវពស់ថ្លាន់ និងកណ្ដុរជាធម្មតា
- 2020-02-14 02:35:00
- ចំនួនមតិ 0 | ចំនួនចែករំលែក 0
មិនខ្វល់ពីវីរុសកូរ៉ូណា ផ្សារឥណ្ឌូនេស៊ីនៅតែដាក់លក់ប្រចៀវពស់ថ្លាន់ និងកណ្ដុរជាធម្មតា
ចន្លោះមិនឃើញ
ទោះបីជាមានបញ្ជាពីរដ្ឋាភិបាលឲ្យផ្អាកលក់សត្វព្រៃក៏ដោយ ប៉ុន្តែផ្សារសត្វព្រៃនៅប្រទេសឥណ្ឌូនេស៊ីនៅតែដាក់លក់សត្វប្រចៀវ ពស់ថ្លាន់ និងកណ្ដុរជាធម្មតា។
ព្រឹកថ្ងៃទី១៣ ខែកុម្ភៈ បណ្ដាញព័ត៌មាន AFP បាននាំពាក្យប្រជាជននៅផ្សារ Tomohon កោះ Sulawesi ប្រទេសឥណ្ឌូនេស៊ីថា សកម្មភាពលក់ដូរសត្វព្រៃរបស់ពួកគេឲ្យប្រជាជនក្នុងតំបន់ ក៏ដូចជាភ្ញៀវទេសចរនៅតែប្រព្រឹត្តឡើងជាធម្មតា ទោះបីជាអ្នកអភិរក្សសត្វព្រៃ ក៏ដូចជារដ្ឋាភិបាលបានហាមឃាត់ហើយក៏ដោយ។
ខណៈជនរងគ្រោះស្លាប់ដោយសារវីរុសកូរ៉ូណាបានកើនឡើងហួសពី១០០០នាក់ហើយនោះ ហើយវីរុសនេះបានសាយភាយចេញពីផ្សារលក់សត្វព្រៃឆៅមួយនៅខេត្ត Wuhan ប្រទេសចិននោះ ក៏ប្រជាជននៃផ្សារខាងលើមិនចាប់អារម្មណ៍នោះឡើយ។
ទន្ទឹមនឹងអ្នកលក់នៅតែលក់ជាធម្មតានោះ គេសង្កេតឃើញថា ចំនួនអ្នកទិញក៏មិនបាធ្លាក់ចុះច្រើន ដ្បិតពួកគេនៅតែរកសាច់មកលក់ដូចរាល់ដង។ ឥវ៉ាន់ដែលលក់ដាច់ជាងគេនៅផ្សារសត្វព្រៃនេះគឺ ប្រចៀវ ឈាមពស់ថ្លាន់ និងកណ្ដុរ។ ក្រៅពីនោះ ផ្សារនេះក៏មានលក់សាច់សុនកផងដែរ។
លោក Stenly Timbuleng អ្នកលក់ប្រចៀវក្នុងផ្សារបានថ្លែងថា លោកនៅតែលក់ប្រចៀវក្នុងតម្លៃ៤,៤ដុល្លារ មួយគីឡូ ហើយមួយថ្ងៃលក់ចេញបាន ពី៤០ទៅ៦០គីឡូ។ បុរសវ័យ៤៥ឆ្នាំបានឲ្យដឹងថា ការរាលដាលនៃវីរុសមិនបានប៉ះពាល់ដល់អាជីវកម្មឡើយ។ អ្នកលក់នៅផ្សារនេះបានផ្សព្វផ្សាយឲ្យអ្នកទិញថា សត្វព្រៃទាំងនេះអាចព្យាបាលជំងឺ១០០មុខ ហើយបើចេះចម្អិនឲ្យត្រឹមត្រូវគឺគ្មានគ្រោះថ្នាក់អ្វីឡើយ៕