Dream Girls Design Contest រកឃើញម្ចាស់ពានហើយ!
- 2020-02-17 08:07:22
- ចំនួនមតិ 0 | ចំនួនចែករំលែក 0
Dream Girls Design Contest រកឃើញម្ចាស់ពានហើយ!
ចន្លោះមិនឃើញ
ការប្រកួតគំនូរសុបិនស្ត្រី រដូវកាលទី ៩ (Dream Girls Design Contest) បានបញ្ចប់ទៅដោយជោគជ័យ កាលពីថ្ងៃទី១៥ ខែកុម្ភៈ នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។
ក្នុងចំណោមស្នាដៃឌីហ្សាញរបស់យុវតីជាច្រើនរូប ដែលបានចូលរួមប្រកួតប្រជែង ស្នាដៃគំនូរជាការរចនាដោយយុវតី ប៊ុន រក្សា (Raksa NaGaHiMas) បានទទួលជយលាភីលេខ១។ យុវតីវ័យ១៧ឆ្នាំរូបនេះ ទទួលបានពានរង្វាន់មួយ អមជាមួយទឹកប្រាក់ចំនួន ១០០០ដុល្លារ ដែលទទួលការឧបត្ថម្ភដោយ Sabay។
ចំណាត់ថ្នាក់លេខ២ ដែលមានទឹកប្រាក់ ៣០០ដុល្លារ បានទៅយុវតី វ៉េត បុប្ផា និងចំណាត់ថ្នាក់លេខ៣ ទឹកប្រាក់ ១០០ដុល្លារ បានទៅយុវតី មីសា ពិសី។ ក្រៅពីចំណាត់ថ្នាក់កំពូលទាំង៣ នេះ នៅមានពានរង្វាន់ផ្សេងទៀត ដែលមានដូចជាពាន Special Award បានទៅយុវតី ដាលីហ្សា ពានកិត្តិយស បានទៅយុវតី ៧រូប គឺ រីណា ប៉ូរី ចរិយា គីមសាន លីមមួយ សុខណា និងកញ្ញា។ ពាន Growing Awards បានទៅ ភឿន ផា និងស្រីដួង, ពាន Yamada School of Art បានទៅលីលី ចរិយា និងរីណា ពាន La Corbeille Award បានទៅ ស្រីនាង និងពាន Iseki Sangyo បានទៅ លីលី។
សូមបញ្ជាក់ថា កម្មវិធី Dream Girl Design Contest រដូវកាលនេះ ក៏មានព្រះរាជវត្តមានព្រះនាងតូច នរោត្តម ជេណា ចូលរួមជាព្រះរាជអធិបតី ផងដែរ។
"Dream Girl Design Contest” ត្រូវបានបង្កើតឡើងដើម្បីផ្ដល់ឱកាស ដល់នារីខ្មែរគ្រប់រូប ចូលរួមបញ្ចេញសក្ដានុពល លើផ្នែកក្រាហ្វិកឌីហ្សាញ។ ឆ្នាំ ២០២០ នេះ គឺជាលើកទី ៩ ដែលកម្មវិធីនេះ បានរៀបចំឡើង ខណៈ Sabay ក៏បានចូលរួមឧបត្ថម្ភគាំទ្រ តាំងពីដើមរហូតមក៕