តារាចម្រៀងប្រុសចិនត្រូវប្រឈមមុខច្បាប់ ព្រោះបោកប្រាស់រឿងលក់ម៉ាស

2020-02-17 08:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប្រុសវ័យក្មេងឈ្មោះ Huang Ji Bei កំពុងត្រូវបានប៉ូលិសឃាត់ខ្លូន ក្រោយពេលបោកប្រាស់រឿងលក់ម៉ាស ខណៈប្រទេសចិនកំពុងរងការប៉ះទង្គិចខ្លាំងពីវីរុស Corona។

បណ្ដាញព័ត៌មាន QQ បានឲ្យដឹងថា តារាចម្រៀងប្រុសវ័យក្មេង Huang Ji Bei ត្រូវបានប៉ូលិសចាប់ខ្លួនពីបទ បោកប្រាស់ ដោយការដាក់លក់ម៉ាសអនឡាញ ខណៈកំពុងមានវីរុសកូរ៉ូណាវាយលុក។

តាមប្រភពដដែល នារីម្នាក់មកពីសៀងហៃបានកម្ម៉ងទិញម៉ាសចំនួន ៤សែនសន្លឹកក្នុងតម្លៃ ០.៩ យាន់ (០.១៣ ដុល្លារ) ពីប្រុសស្អាតវ័យ២១ឆ្នាំខាងលើ ដោយតម្លៃសរុបគឺ ៥២000 ដុល្លារ ហើយលោកស្រីបានកក់លុយចំនួន ១៥០០០ដុល្លារឲ្យគេរួចហើយ។

ក្រោយពេលវេរលុយរួច តារាខាងលើបានណាត់លោកស្រីឲ្យទៅយកម៉ាសនៅ Yang Zhou ប៉ុន្តែនៅពេលមកដល់កន្លែង ក៏ទាក់ទងរូបគេលែងបាន។ នារីរូបនេះដឹងថាខ្លួនត្រូវបោកហើយ ក៏បានដាក់ពាក្យបណ្ដឹងទៅប៉ូលិសសៀងហៃ។ ក្រោយពេល ស៊ើបអសយដ្ឋានអ៊ីនធឺណិតរបស់តារារូបនេះ គេបានរកឃើញលោកកំពុងគេងនៅផ្ទះ ហើយក៏បានចាប់ឃាត់ខ្លួននៅនឹងកន្លែងតែម្ដង។

នៅប៉ុស្តិ៍ប៉ូលិស លោកបានសារភាពថា ដោយសារតែការងារខ្លួនត្រូវកកស្ទះ ទើបលោកធ្វើបែបនេះ។ បើតាមច្បាប់របស់ប្រទេសចិន ទង្វើនេះនឹងអាចធ្វើឲ្យតារាកើតឆ្នាំ១៩៩៩ ជាប់គុកពី៨ ទៅ១០ឆ្នាំ។ អ្វីដែលធ្វើឲ្យអ្នកគាំទ្រ ទ្រាំមិនបាននោះគឺ មុននោះតែមួយថ្ងៃ លោកបានសរសេរសំបុត្រលើកទឹកចិត្តដល់មនុស្សគ្រប់គ្នាកុំឲ្យបាក់ទឹកចិត្ត៕

ប្រភព៖ Zing ប្រែសម្រួល៖ Caramel