Apple នឹងប្រារព្ធកម្មវិធីពិសេសថ្ងៃ ៣១ ខែមីនា ប្រកាសចេញទូរសព្ទតម្លៃ ៣៩៩ដុល្លារ

2020-02-19 03:44:47
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមកគេបានឮច្រើនដងមកហើយអំពី iPhone 9 ឬ iPhone SE 2 ដែលរំពឹងថានឹងប្រកាសចេញនៅពាក់កណ្ដាលខែមីនាខាងមុខ។ បើតាមដំណឹងចុងក្រោយ អះអាងថាកម្មវិធីត្រូវបានអូសបន្លាយដល់ថ្ងៃទី ៣១ ខែមីនា ជាមួយការលក់ចេញនៅដើមសប្ដាហ៍ដំបូងនៃខែមេសា ពោលនាថ្ងៃទី ៣។

កាលបរិច្ឆេទថ្មីនេះអាចសមទំនង ដោយសារថ្ងៃទី ៣១ ខែមីនា ត្រូវនឹងថ្ងៃអង្គារ ជាថ្ងៃដែល Apple តែងប្រារព្ធកម្មវិធីប្រកាសចេញផលិតផលថ្មី ហើយថ្ងៃទី ៣ ខែមេសាត្រូវនឹងថ្ងៃសុក្រ ជាថ្ងៃដែលផលិតផលថ្មីចេញលក់។ មួយវិញទៀតគឺ ពេលដែល Apple ប្រកាសចេញ iPhone តម្លៃធូរលើកមុន គឺនៅអំឡុងខែមីនាដូចគ្នា។

iPhone 8

ដំណឹងចេញពីប្រភពជាច្រើនកន្លងមកបានអះអាងដូចគ្នាថា iPhone តម្លៃធូរស៊េរីថ្មី គឺមានតម្លៃ ៣៩៩ ដុល្លារ ដូចស៊េរីមុនដែរ ដោយវាមានរូបរាងដូចគ្នានឹង iPhone 8, ប្រើបន្ទះឈីប A13 ដូចត្រកូល iPhone 11 និងលក្ខណៈសម្បត្តិខ្ពស់ៗមួយចំនួនទៀត ដែលអាចធ្វើឲ្យគូប្រជែងព្រឺព្រួច៕

ប្រភព៖ GSMarena ប្រែសម្រួល៖ សុខហេង