ទូរសព្ទជប៉ុនមួយនេះ ប្រើ AI ដើម្បីទប់ស្កាត់ការថតរូបអាក្រាត
- 2020-02-20 01:53:46
- ចំនួនមតិ 0 | ចំនួនចែករំលែក 0
ទូរសព្ទជប៉ុនមួយនេះ ប្រើ AI ដើម្បីទប់ស្កាត់ការថតរូបអាក្រាត
ចន្លោះមិនឃើញ
ទូរសព្ទថ្មីមួយរបស់ក្រុមហ៊ុនជប៉ុន Tone មានមុខងារមួយឈ្មោះថា Smartphone Protection ដែលមុខងារនេះប្រើប្រាស់នូវ AI ដែលមានក្នុងកាមេរ៉ាដើម្បីចាប់នូវរូបភាពអាក្រាតដែលថតជាមួយទូរសព្ទ។
ប្រសិនបើ AI ចាប់បានថាជារូបភាពអាក្រាតមែន វានឹងធ្វើការបិទ មិនឲ្យរូបភាពដែលថតបាននោះអាច Save (រក្សាទុក) ចូលទៅក្នុង Gallery នៃទូរសព្ទនោះឡើយ។ រឹតតែគួរឲ្យចាប់អារម្មណ៍នោះ ទូរសព្ទអាចភ្ជាប់ជាមួយឧបករណ៍របស់អាណាព្យាបាល និងប្រាប់ពួកគេឲ្យដឹង ប្រសិនបើមាននរណាម្នាក់ព្យាយាមថតរូបភាពអាក្រាតរបស់ខ្លួនឯង ឬអ្នកដទៃ។
គួរដឹងស្មាតហ្វូនរបស់ Tone គឺជាម៉ូដែល E20 ដែលជាទូរសព្ទលំដាប់ថវិកាមានតម្លៃប្រហែល ១៨០ ដុល្លារ។ វាប្រើប្រាស់បន្ទះឈីបស៊េរីទាប Helio P22, កាមេរ៉ាចំនួនបីគ្រាប់ផ្នែកខាងក្រោយ (១២MP+១៣M កាមេរ៉ា Ultra Wide+២MP កាមេរ៉ាវាស់ជម្រៅ), មានទ្រនាប់ស្កេនម្រាមដៃនៅខាងក្រោយ និងថ្មទំហំ ៣៩០០ mAh។
អេក្រង់មានទំហំ ៦,២៦ អ៊ីញ អាចបង្ហាញរូបក្នុងកម្រិត HD+, មានអង្គផ្ទុកទិន្នន័យ ៦៤GB, កាមេរ៉ា Selfie ទំហំ ៨MP ស្ថិតក្នុងក្បាលឆកនៃអេក្រង់, ប្រព័ន្ធស្កេនមុខដោះសោ និងប្រើប្រព័ន្ធប្រតិបត្តិការ Android 9.0 Pie៕