Mourinho ថា Spurs លេងយប់មិញដូច ចូលប្រយុទ្ធកាន់កាំភ្លើងគ្មានគ្រាប់បាញ់
- 2020-02-20 02:30:19
- ចំនួនមតិ 0 | ចំនួនចែករំលែក 0
Mourinho ថា Spurs លេងយប់មិញដូច ចូលប្រយុទ្ធកាន់កាំភ្លើងគ្មានគ្រាប់បាញ់
ចន្លោះមិនឃើញ
ការប្រកួតរបស់ Spurs ចាញ់ RB Leipzig ១-០ កាលពីយប់មិញដូចជាការប្រយុទ្ធក្នុងសមរភូមិកាន់កាំភ្លើងគ្មានគ្រាប់អញ្ចឹង។ នេះជាការលើកឡើងរបស់អ្នកចាត់ការ Jose Mourinho បង្ហាញអារម្មណ៍មិនសប្បាយចិត្តដោយសារកីឡាករល្អៗរបួសអស់។
ប្រកួតកាលពីយប់មិញ Spurs លេងដោយគ្មានខ្សែប្រយុទ្ធ Harry Kane និង Son Heung-min ខណៈដែល Erik Lamela និង Tanguy Ndombele ត្រូវរងចាំដល់នាទី៦៤ទើបបានលេង។
ក្រោយបញ្ចប់ការប្រកួតលោក Mourinho បាននិយាយថា៖ “ពួកយើងពិតជាមានបញ្ហាមែន។ ប្រសិនបើមានការប្រកួតតែនៅ Champions League គឺវាគ្មានបញ្ហាទេ ប៉ុន្តែពួកយើងត្រូវលេង FA Cup និង Premier League ទៀត"។ បរាជ័យរបស់ Spurs គឺដោយសារគ្រាប់បាល់តែមួយគ្រាប់គត់របស់ខ្សែប្រយុទ្ធ Timo Werner ដោយបាល់ប៉េណាល់ទី។
សម្រាប់ការប្រកួតជើងទីពីរក្នុងទឹកដីប្រទេសអាល្លឺម៉ង់នៅថ្ងៃទី ១០ ខែ មីនា Spurs ត្រូវធ្វើការធ្ងន់គឺត្រូវរកគ្រាប់ឲ្យបានច្រើនដើម្បីមានឱកាសឡើងទៅវគ្គ៨ក្រុមចុងក្រោយ៕