ជួយដាក់ពិន្ទុ! នេះអាចជារូបរាង Google Pixel 5 XL

2020-02-21 01:39:16
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាព Render ថ្មីនៃ Google Pixel 5 XL ត្រូវបានផ្ដល់ដោយ Jon Prosser។ វាបានបង្ហាញអំពីរូបរាងខាងមុខ និងរូបរាងខាងក្រោយនៃស្មាតហ្វូន Google ជំនាន់ថ្មី។

រូបភាព Render គឺទទួលបានពីប្រភពគួរឲ្យទុកចិត្តបំផុត ដែលវាបង្កើតឡើងផ្អែកតាមគំនូសព្រាង 3D CAD សម្រាប់ Prototype (ផលិតតេស្ត) ចំនួន ១ ក្នុងចំណោម Prototype ទាំងបីនៃស្មាតហ្វូន។ ជាទូទៅ Google មានក្រុមការងារជាច្រើន ដែលធ្វើការដាច់ពីគ្នាលើការឌីហ្សាញ ដោយការសម្រេចលើការឌីហ្សាញចុងក្រោយមួយគឺធ្វើឡើងក្នុងខែមេសា ឬខែឧសភា ដែលនេះមានន័យថាមាន Prototype ខ្លះអាចត្រូវជម្រុះចោល។

យុទ្ធសាស្ត្រនេះគឺធម្មតាទៅហើយសម្រាប់ក្រុមហ៊ុនផលិតស្មាតហ្វូន។ ជាក់ស្ដែងដូចជាឆ្នាំមុនដោយបានដំណឹងពី Steve Hemmerstoffer ក្រុមហ៊ុន Apple មានការឌីហ្សាញ iPhone 11 Pro ពីរប្រភេទខុសគ្នា មុនសម្រេចរើសយកការឌីហ្សាញនាពេលបច្ចុប្បន្ននេះ។

ប្រសិនបើ Google សម្រេចជ្រើសយក Prototype ខាងលើ វានឹងជាការផ្លាស់ប្ដូររូបរាងធំមួយទៀត។ ដង្គុំកាមេរ៉ារាងបួនជ្រុងដែលមានលើ Google Pixel 4 នឹងត្រូវជំនួសដោយកាមេរ៉ាមូលទ្រវែងនៅចំកណ្ដាល ដែលមិនធ្លាប់ឃើញពីមុនមកលើស្មាតហ្វូន Google។

គេនឹងអាចដឹងដំណឹងច្បាស់ការណ៍អំពី Google Pixel 5 XL នៅអំឡុងពាក់កណ្ដាលខែតុលាខាងមុខ ពេលដែលវាប្រកាសចេញជាមួយ Google Pixel 5។ មុនការប្រកាសចេញនេះ គេរំពឹងថាមាននូវត្រកូល Google Pixel 4a ដែលអាចបង្ហាញមុខនាដើមខែឧសភា៕

ប្រភព៖ PhoneArena ប្រែសម្រួល៖ សុខហេង