សល់ចំហាយ! Messi នៅក្ដៅស្លឹកត្រចៀក ពេលរំលឹករឿងជាមួយ Abidal
- 2020-02-21 03:03:13
- ចំនួនមតិ 0 | ចំនួនចែករំលែក 0
សល់ចំហាយ! Messi នៅក្ដៅស្លឹកត្រចៀក ពេលរំលឹករឿងជាមួយ Abidal
ចន្លោះមិនឃើញ
ខ្សែប្រយុទ្ធ Lionel Messi ចាប់ផ្ដើមមិនសប្បាយចិត្តភ្លាម នៅពេលគេសួរពីរឿងទំនាស់ពាក្យសម្ដីជាមួយប្រធានផ្នែកបច្ចេកទេស Abidal កាលពីពេលកន្លងទៅ។
Abidal បាននិយាយថាការបណ្ដេញលោក Valverde ចេញពីតំណែង គឺជារឿងបណ្ដាលមកពីកីឡាករ ដែលមិនស្ដាប់ការណែនាំរបស់អ្នកចាត់ការ។ ខណៈដែលលោកក៏បានបង្ហើបទៀតថា ការសម្រេចចិត្តជាច្រើនក្នុងក្រុមកើតចេញពីកីឡាករ Lionel Messi ។
ចំពោះរឿងនេះដែរ Messi បាននិយាយថា៖ “ខ្ញុំមិនដឹងថាអ្វីដែលបានឆ្លងកាត់ខួរក្បាលគាត់ ដើម្បីនិយាយពាក្យទាំងនោះទេ។ ខ្ញុំតបទៅវិញ ព្រោះខ្ញុំគិតថាមានគេវាយប្រហារខ្ញុំ។ ខ្ញុំមានអារម្មណ៍ថាគាត់កំពុងវាយប្រហារមកលើកីឡាករ។ មានរឿងជាច្រើន និយាយពីក្នុងបន្ទប់ផ្លាស់សំលៀកបំពាក់ ទាំងអស់នោះថា ខ្ញុំមានសិទ្ធិខ្លាំងក្នុងការសម្រេចចិត្ត។ ខ្ញុំអាចប្រាប់និងបញ្ជាទៅក្លឹបបាន ប៉ុន្តែវាមិនមែនជារឿងពិតនោះទេ។ ខ្ញុំអាចផ្ដល់យោបល់ទៅក្លឹបបាន ហើយកីឡាករដទៃទៀតក៏អាចធ្វើបាន។ មានរឿងជាច្រើន ដែលក្លឹបក៏មិនបានធ្វើតាមយោបល់របស់យើងដែរ”។
និយាយពីការចាកចេញពីក្រុម Barcelona វិញ ខ្សែប្រយុទ្ធសញ្ជាតិអាហ្សង់ទីន បានបង្ហើបថាខ្លួននៅ Barcelona ច្រើនជាងស្រុកកំណើតរបស់ខ្លួនទៅទៀត។ រូបគេមិនមានបំណងចង់ចាកចេញពីក្លឹបឡើយ បើទោះជារាល់ឆ្នាំមានក្លឹបជាច្រើនបានទាក់ទងនិងផ្ដល់តម្លៃខ្លួនច្រើនយ៉ាងណាក៏ដោយ៕