បង្ហាញសម្រស់តារាស្រី ៦រូប ដែលមានមុខក្នុងកម្មវិធី Fashion Week នៅអ៊ីតាលី

2020-02-24 03:01:30
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីបង្ហាញម៉ូដដ៏ធំខ្នាតអន្តរជាតិ ដែលធ្វើឡើងក្នុងទីក្រុង Milan ប្រទេសអ៊ីតាលី បានធ្វើឲ្យមជ្ឈដ្ឋានទូទៅផ្ដោតការចាប់អារម្មណ៍ខ្លាំង និងកាន់តែ ខ្លាំងពេលឃើញវត្តមានចូលរួមរបស់តារាកូរ៉េជាច្រើននាក់ដែលសុទ្ធសឹងល្បីៗ។

តើមានអ្នកណាខ្លាំង ដែលត្រូវបានអញ្ជើញឲ្យចូលរួមកម្មវិធីរៀបចំជាពិសេសនេះ មកដឹងដូចខាងក្រោម៖

១. Lisa (ក្រុម BLACKPINK) Lisa មិនដែលអាក់ខានក្នុងការចូលរូមកម្មវិធីបែបនេះទេ ហើយឲ្យតែចូលរួមម្ដងៗ នាងតែងធ្វើឲ្យមហាជនផ្ដោតការតាមដាន ពិសេសលើម៉ូដសម្លៀកបំពាក់ដែលនាងជ្រើសស្លៀកថ្ងៃកម្មវិធីតែម្ដង។ ដូចពេលនេះជាដើម តារាស្រីផលិតកម្ម YG បានជ្រើសយកឈុតពណ៌មាស រំលេចកាន់តែចែងចាំង និងលេចធ្លោបំផុត។

២. IU

សម្រាប់ IU ក៏ស្អាតខ្លាំងដែរ ជាមួយទឹកមុខបែបស្រគត់ស្រគត់គួរឲ្យស្រឡាញ់ និងឈុតពណ៌ផ្កាឈូកស្រាល។ វត្តមានរបស់នាង ពិតជាធ្វើឲ្យមជ្ឈដ្ឋានទូទៅចាប់អារម្មណ៍ប្លែករាល់ដង ព្រោះសម្រស់នាងពេលនាង ស្រស់ខ្លាំងជាងរាល់ដងទៅទៀត ហើយនាងនៅតែក្មេងមិនព្រមចាស់សោះ ទោះឆ្នាំថ្មីអាយុ ២៧ឆ្នាំក៏ដោយ។

៣. Song Hye Kyo

ងាកចូលជើងចាស់តារាសម្ដែងសម្ដែង Song Hye Kyo វិញ តែងមានមុខជានិច្ចសម្រាប់កម្មវិធីម៉ូដខ្នាតអន្តរជាតិ ដូចនេះរឿងអីនាងត្រូវអាក់ខានសម្រាប់កម្មវិធីពេលនេះ។ ប៉ុន្តែចូលរួមកម្មវិធីដើមឆ្នាំ ២០២០នេះ Hye Kyo ជ្រើសយកការផាត់មុខបែបសាមញ្ញ ប៉ុន្តែនៅតែស្អាត រាងនៅតែខ្ញង់ជាមួយឈុតខ្មៅ កាបូបខ្មៅ ស្បែកជើងខ្មៅ។

៤. Han Ye Seul

មានឈ្មោះជាតារាពូកែលេងម៉ូដក្នុងពិភពសិល្បៈ ដូចនេះសម្រាប់វត្តមានក្នុងកម្មវិធីបែបនេះ Ye Seul ក៏មិនរំលងដែរ។ ឈុតដែលនាងស្លៀកមានច្រើនចម្រុះពណ៌ ហើយនាងបន្ថែមជាមួយនឹងការតុបតែងមុខ ពិសេសត្រង់ភ្នែករំលេចពណ៌ចម្រុះតាមទៀត ធ្វើឲ្យភ្នែកជាច្រើនគូសម្លឹងមើលនាងសឹងមិនចង់ដកភ្នែក។

៥. Park Min Young

តារាសម្ដែងជាប់ងារជា «លេខ Kim» ឯណេះវិញក៏ស្ថិតក្នុងចំណោមតារាស្រីដែលមិនអាចបាត់មុខក្នុងកម្មវិធី Fashion Week នេះដែរ។ សម្រស់ស្រស់ស្អាតគ្មានទាស់របស់នាង ពិតជាបានធ្វើឲ្យអ្នកណាៗក៏ចាប់អារម្មណ៍ ទោះមិនឆើតឆាយពេក ប៉ុន្តែនាងពិតជាស្អាតខ្លាំង ផ្អែកលើសម្រស់ស្អាតស្រាប់។

៦. Chung Ha

តារា K-Pop ដែលកំពុងពេញល្បី Chung Ha ក៏មានមុខដែរ គេចាប់អារម្មណ៍ថា ទោះបីជាទើបចេញមុខក្នុងរយៈពេលខ្លី តែនាងតែងឱកាសចូលរួមកម្មវិធីម៉ូដជាច្រើនជាបន្តបន្ទាប់។ ជាមួយនឹងឈុតខ្មៅលាយផ្កាឈូក ការផាត់មុខបែបធម្មជាតិ ផ្សំជាមួយគ្រឿងអលង្កាលម្អ ធ្វើឲ្យសម្រស់នាងនៅតែលេចត្រដែតមិនមើលមិនបាន៕