ច្បាស់ការ ១០០%! Hakim Ziyech ចុះកុងត្រា៥ឆ្នាំជាមួយ Chelsea ក្នុងតម្លៃនេះ

2020-02-24 05:02:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើម៉ារ៉ុក Hakim Ziyech បានយល់ព្រមចុះកុងត្រា៥ឆ្នាំ ជាមួយក្រុមតោខៀវ Chelsea ហើយ ក្នុងតម្លៃខ្លួន ៣៣,៥លានផោន។

ខ្សែបម្រើប្រយុទ្ធរូបនេះ បានប្រាប់ថា រូបគេពិតជាសប្បាយខ្លាំងណាស់ ដែលបានមករួមរស់ជាមួយក្លឹបធំ Chelsea ៖«ខ្ញុំកំពុងរងចាំនៅរដូវកាលក្រោយ ហើយខ្ញុំសង្ឃឹមយើងនឹងទទួលបានលទ្ធផលល្អទាំងអស់គ្នា»។

ចំណែកនាយកក្លឹបតោខៀវ Chelsea លោកស្រី Marina Granovskaia ក៏បានឱ្យដឹងដែរថា ក្លឹបពិតជារីករាយដែល Hakim Ziyech នឹងចូលរួមនារដូវក្តៅខាងមុខ។ Ziyech ជាគោលដៅសំខាន់របស់ក្លឹប តាំងពីរដូវកាលដោះដូរកីឡាករ កាលពីខែមករាមកម្ល៉េះ។

លោកស្រីបន្ថែមថា ៖«គាត់ជាខ្សែប្រយុទ្ធដ៏គ្រោះថ្នាក់បំផុតមួយនៅអឺរ៉ុបប៉ុន្មានឆ្នាំមកនេះ ដែលយើងមើលឃើញគាត់ ពេលយើងប៉ះ Ajax នៅ Champions League។ សូមស្វាគមន៍មកកាន់ Stamford Bridge»។

Ziyech គឺជាកីឡាករដំបូងគេបង្អស់ ដែល Chelsea បានចុះកុងត្រា ចាប់តាំងពីការហាមឃាត់ទិញដូរកីឡាករពួកគេ បានបញ្ចប់នៅដើមឆ្នាំនេះ៕

ប្រភព៖ Goal ប្រែសម្រួល៖ អ៊ុំ សុភក្តិ