ប្រកួតនៅ Serie A ត្រូវបានលើកពេល ខណៈវីរុស Covid19 វាយលុកអ៊ីតាលី
- 2020-02-24 10:49:18
- ចំនួនមតិ 0 | ចំនួនចែករំលែក 0
ប្រកួតនៅ Serie A ត្រូវបានលើកពេល ខណៈវីរុស Covid19 វាយលុកអ៊ីតាលី
ចន្លោះមិនឃើញ
ប្រកួតនៅលីគកំពូលអ៊ីតាលីចំនួន ៤ និងប្រកួតបាល់ទាត់លីគក្រោមៗទៀត ត្រូវបានពន្យារពេល ដោយសារតែប្រទេសអឺរ៉ុបរងការយាយីដោយជំងឺផ្លូវដង្ហើមថ្មី Covid19។
ការពន្យារពេលនេះធ្វើឡើងបន្ទាប់ពីលោកនាយករដ្ឋមន្ត្រីប្រទេសអ៊ីតាលី Giuseppe Conte ប្រកាសណែនាំឲ្យរដ្ឋមន្ត្រីកីឡា ផ្អាកព្រឹត្តិការណ៍កីឡានៅតំបន់ធំៗ ២ របស់អ៊ីតាលី។
ចំណោមប្រកួតទាំង ៤ នៅ Serie A នោះមានដូចជា ប្រកួតរវាង Inter Milan និងក្លឹប Sampdoria ប្រកួតរវាង Torinio និង Parma ប្រកួតរវាង Verona និង Cagliari និងប្រកួតរវាង Atlanta និង Sassuolo។
Inter Milan នៅពេលនេះដែរកំពុងតែឈរលើចំណាត់ថ្នាក់លេខ៣ ដោយនៅពីក្រោមក្លឹបកំពូលតារាង Juventus និងក្លឹបលេខ Lazio។
គួរបញ្ជាក់ផងដែរថា នៅអ៊ីតាលីមានអ្នកឆ្លងជំងឺ Covid19 ចំនួនលើសពី ១៥០ករណី ដោយក្នុងនោះមានមនុស្សចំនួន ៤នាក់បានស្លាប់៕