គ្រូ Barca ថា Napoli លេងការពារម្ដង១០នាក់ ទើបក្រុមខ្លួនពិបាកលេង
- 2020-02-26 02:17:18
- ចំនួនមតិ 0 | ចំនួនចែករំលែក 0
គ្រូ Barca ថា Napoli លេងការពារម្ដង១០នាក់ ទើបក្រុមខ្លួនពិបាកលេង
ចន្លោះមិនឃើញ
ក្រុម Barcelona លេងស្មើក្រុម Napoli ក្នុងលទ្ធផល ១-១ នាការប្រកួតពានរង្វាន់ UEFA Champions League វគ្គ១៦ក្រុមចុងក្រោយ ជើងទី១នៅទឹកដីអ៊ីតាលីនៅយប់មិញនេះ។
ក្រុមម្ចាស់ផ្ទះ Napoli រកបាន១គ្រាប់មុនដោយ Mertens នៅនាទី៣០ មុនពេល Griezmann រកបានគ្រាប់បាល់តាមស្មើវិញ នៅនាទី៥៧។ ការប្រកួតនេះ មិនមានគ្រាប់បាល់កើតឡើងទៀតនោះទេ ដោយបញ្ចប់ទៅត្រឹមលទ្ធផលស្មើគ្នា ១-១។ តែអ្វីដែលគួរឱ្យចាប់អារម្មណ៍ គឺក្រុម Barcelona មានកីឡាកររបួសគឺ Pique និងមានកីឡាករបានកាតក្រហម គឺ Vidal នៅនាទី៨៩។
លោក Setien អ្នកចាត់ការក្រុមឋ Barcelona បាននិយាយពីការប្រកួតនេះថា៖ “ពួកគេបានលេងការពារ១០នាក់នៅក្បែរកន្លែងគ្រោះថ្នាក់។ វាពិត ថាយើងមិនបានបង្កើតឱកាសច្រើនមែន ប៉ុន្តែយើងក៏បានដឹងថាពួកគេលេងការពារច្រើនដែរ។ យើងព្យាយាមដើម្បីបង្កើតឱកាស និងរកគ្រាប់បាល់រហូតបានតាមស្មើវិញ។ វាជាលទ្ធផលល្អ ព្រោះនៅសល់ជើងទី២ទៀត”៕